Actualitats
Venètz d’Amics de Jornalet, per un melhor jornalisme en occitan
L’Associacion dels Amics de Jornalet se creèt fa dos ans amb la tòca de sosténer aqueste jornal que legissètz, e aital far mai ric l’espaci mediatic occitan e dignificar la nòstra lenga e lo nòstre país. Coma totes sabètz, Jornalet encaissa pas d’argent a sos legeires per lor ofrir las informacions e las opinions sèt jorns per setmana, 365 jorns per an. Es pr’amor d’aquò que l’associacion dels Amics de Jornalet non solament cèrca d’ajudar economicament, mas garentís que lo mèdia contunharà d’èsser gratuit pels nòstres legeires, e encara mai important, que mantendrà sa linha independenta de tota institucion, partit politc, associacion o entrepresa que i pretenda influir a travèrs de la publicitat.
Sabètz ben que la redaccion de Jornalet a solament un ponch dins sa linha editoriala: la defensa e la promocion de l’occitanisme en quin domeni que siá per aspirar a aver un país normal. L’associacion dels Amics del Jornalet es pas jamai intrada dins las questions jornalisticas ni editorialas, e a lo suènh de limitar son prètzfach al sosten material de tota sòrta per garentir la continuitat e l’avenir de Jornalet.
Venir sòci dels Amics de Jornalet representa un engatjament de sosténer aqueste jornal e un biais de participacion dins la vida del país. Del temps que los mèdias en occitan son en dificultat, las petitas contribucions mesas en comun son vitalas pel sosten de la premsa en occitan.
L’escotisson per intrar dins los Amics del Jornalet s’adapta a la situacion economica de cadun. Prepausam dos tipes d’escotisson: 20 èuros per an o ben 40 èuros per an repartits en quatre contribucions trimestralas de 10 èuros. Pasmens cadun pòt prepausar son escotisson en foncion de sas capacitats economicas.
Per venir sòci dels Amics del Jornalet, basta d’emplir lo formulari que trobaretz sus aqueste ligam.
Fin finala, volèm tanben metre en evidéncia que la vòstra ajuda serà fòrça importanta, mas cobrís pas la totalitat dels besonhs de la redaccion, per tant, vos encoratjam encara d’inserir de publicitat o de far de dons per garentir aqueste projècte. Mercé plan a totes.
Sabètz ben que la redaccion de Jornalet a solament un ponch dins sa linha editoriala: la defensa e la promocion de l’occitanisme en quin domeni que siá per aspirar a aver un país normal. L’associacion dels Amics del Jornalet es pas jamai intrada dins las questions jornalisticas ni editorialas, e a lo suènh de limitar son prètzfach al sosten material de tota sòrta per garentir la continuitat e l’avenir de Jornalet.
Venir sòci dels Amics de Jornalet representa un engatjament de sosténer aqueste jornal e un biais de participacion dins la vida del país. Del temps que los mèdias en occitan son en dificultat, las petitas contribucions mesas en comun son vitalas pel sosten de la premsa en occitan.
L’escotisson per intrar dins los Amics del Jornalet s’adapta a la situacion economica de cadun. Prepausam dos tipes d’escotisson: 20 èuros per an o ben 40 èuros per an repartits en quatre contribucions trimestralas de 10 èuros. Pasmens cadun pòt prepausar son escotisson en foncion de sas capacitats economicas.
Per venir sòci dels Amics del Jornalet, basta d’emplir lo formulari que trobaretz sus aqueste ligam.
Fin finala, volèm tanben metre en evidéncia que la vòstra ajuda serà fòrça importanta, mas cobrís pas la totalitat dels besonhs de la redaccion, per tant, vos encoratjam encara d’inserir de publicitat o de far de dons per garentir aqueste projècte. Mercé plan a totes.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#3 Tot çò qu'avèm, quina que siá la manièra de recebre los dons, o donam puèi a Jornalet.
Pausatz una question importanta. Que ieu sàpia, sonque las associacions reconegudas d'utilitat publica o d'interès general bailan drech a una deduccion fiscala. Doncas, ara non. Totun, nos entresenham sus las possibilitats que nòstra associacion obtenga aquel genre de reconeissença. N'assabentarem los lectors de Jornalet, de segur.
Doás questions :
-Es que l'adesion e los dons son deductibles dels impòsts (contribucion de l'Estat francés a la premsa occitana) ?
-Es que los dons mensuals son integralament reversats al Jornalet ? Mercé plan.
#1 Benvengut, de còr!
adesion possible per lo biais d au mieu. compam Laurens Revest??? a cu passi li mieu/cronica de l embilat/
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari