Actualitats
Los Nobel de la Patz exigisson que se “demonize” pas los refugiats nimai los musulmans après los atemptats de París
Los atemptats de París, la crisi dels refugiats, la paur e l’òdi contra los refugiats e los musulmans an centrat la 15a Reünion Mondiala dels Laureats del Prèmi Nobel de la Patz
Los laureats del Prèmi Nobel de la Patz an reclamat que s’estigmatize pas la comunautat musulmana nimai los refugiats en seguida dels atemptats de divendres passat a París. “Sèm fòrça preocupats que la situacion a París s’emplegue per los demonizar. Podèm pas permetre qu’aquò se passe”, çò a dich Jody Williams, premiada en 1997, dins l’acte de clavadura de la 15a Reünion Mondiala dels Laureats del Prèmi Nobel de la Patz, que s’es debanada a Barcelona aquesta dimenjada passada.
La reünion d’aquesta dimenjada, centrada suls refugiats, es estada marcada per lo chaple de París de divendres passat. Los premiats del Nobel de la Patz an reconegut que son “prigondament chocats” davant la “barbariá” qu’a assassinat mai d’un centenat de personas. An exprimit per tant lor solidaritat envèrs las familhas e los amics de las victimas d’aqueles atacs que fan evident lo “besonh” de redreiçar lo camin e de cercar las causas qu’originan aquela violéncia. “Es pas vengut del cèl”, çò a dich Williams.
Williams s’es aponduda a las mòstras d’umanitat e de tristesa pels eveniments de París mas a remembrat que deurián èsser las meteissas que caldriá sentir pels “innocents” que morisson en Iemèn, Siria e Iraq. A prepaus de refugiats, Williams a fach una crida per metre fin a la guèrra e a las condicions qu’obligan de centenats de personas de partir d’en cò sieu.
De son costat, la primièra consolessa de Barcelona, Ada Colau, a assegurat que “las balas que se tirèron a París son las meteissas que tuan los estatjants de Siria, Somalia e Iraq”, e per tant a fach una crida a l’aculhença dels refugiats. Colau, que presidissiá la ceremònia, a assegurat que los autors d’aquel masèl cèrcan d’inocular l’asirança e la paur. “Lo sol camin per n’acabar amb la guèrra es la patz”, çò a dich.
Colau assegurèt que Barcelona es una vila pionièra en la defensa de la patz e avertiguèt que se se trabalha pas dins aquel sens, “s’alimenta las cachavièlhas identitàrias e neocolonialas del passat; cal véncer los fondamentalismes amb l’arma que lor fa mai paur: las valors de la patz e de la convivéncia”.
La reünion d’aquesta dimenjada, centrada suls refugiats, es estada marcada per lo chaple de París de divendres passat. Los premiats del Nobel de la Patz an reconegut que son “prigondament chocats” davant la “barbariá” qu’a assassinat mai d’un centenat de personas. An exprimit per tant lor solidaritat envèrs las familhas e los amics de las victimas d’aqueles atacs que fan evident lo “besonh” de redreiçar lo camin e de cercar las causas qu’originan aquela violéncia. “Es pas vengut del cèl”, çò a dich Williams.
Williams s’es aponduda a las mòstras d’umanitat e de tristesa pels eveniments de París mas a remembrat que deurián èsser las meteissas que caldriá sentir pels “innocents” que morisson en Iemèn, Siria e Iraq. A prepaus de refugiats, Williams a fach una crida per metre fin a la guèrra e a las condicions qu’obligan de centenats de personas de partir d’en cò sieu.
De son costat, la primièra consolessa de Barcelona, Ada Colau, a assegurat que “las balas que se tirèron a París son las meteissas que tuan los estatjants de Siria, Somalia e Iraq”, e per tant a fach una crida a l’aculhença dels refugiats. Colau, que presidissiá la ceremònia, a assegurat que los autors d’aquel masèl cèrcan d’inocular l’asirança e la paur. “Lo sol camin per n’acabar amb la guèrra es la patz”, çò a dich.
Colau assegurèt que Barcelona es una vila pionièra en la defensa de la patz e avertiguèt que se se trabalha pas dins aquel sens, “s’alimenta las cachavièlhas identitàrias e neocolonialas del passat; cal véncer los fondamentalismes amb l’arma que lor fa mai paur: las valors de la patz e de la convivéncia”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#25 De milions.
#16
Disi pas que l'islam umanista existis pas. Malek Chebel, Mohamed Sifaoui, Tarek Oubrou son dins la medisha dralha qu'En Abdennour Bidar.
Son legits, escotats o seguits per quant de Musulmans ?
#21 excelenta resposta. Es vertadierament pas lo moment de confondre islam dins totas sas varietats (au mens autant que per las autras religions monoteistas) e petro-wahhabisme amb sos produches derivats salafisme e jihadisme. La mendra de las causas es de saber analisar ço qu'un ne parla, senon un se troba au mielhs au cafè dau comerci, au piéger en aquo dels Identitaris.
La frasa dau títol de l'article s'aplica tanben ai còrs, bascs qu'una minoritat infima es violenta ??
#13 "L’òme aurà per enemics lo mond de son ostal": Jèsus es pas bellicista, de segur. Simpletament, anóncia que lo crestian pòt èsser secutat en causa de sa fe dins sa pròpria familha, al mièg dels sieus. Ditz pas al crestian que pòrte l'espasa.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari