Aqueste dissabte, dins un estadi de Wigan qu’afichava complet, se jogava lo tresen e decisiu rescontre de la tornada dels Kiwis en Anglatèrra.
E Whitehead marquèt dos còps
Se cada esquipa marquèt tres ensages, amb lo segonda linha e èx-Drac Eliott Whitehad dos còps a la conclusion pels angleses, son quatre còps de pè del dobertura anglés Widdop que faguèron la diferéncia. Atal, Anglatèrra ganha (doas partidas a una) la tièra de las tres espròvas amb una victòria 20-14.
Revelh catalan
Se lo rescontre Vilanuèva-Carcassona foguèt remés en rason dels atemptats de París, las tres autras partidas del campionat d’Elèit 1 se poguèron debanar sens empache. Dissabte, Avinhon prenguèt l’avantatge sus Palau 35-16. A Tolosa, Albi menèt 14-0 contra los Broncos que tornèron a egalitat, mas doas penalitats balhèron la victòria als tarneses: 18-14.
Dimenge, a Sant Estève, los Dragonets esperèron la fin de partida per faire plegar los limosencs: 30-18.
Aquesta dimenjada, ne serem ja a la fin de las partidas anar d’aquesta primièra fasa de campionat amb dissabte lo rescontre Albi-Lesinhan e dimenge de vèspre los afrontaments Palau-Tolosa, Limós-Vilanuèva e Carcassona-Avinhon.
XIII Magazine de novembre
La revista mesadièra del XIII, XIII Magazine, ven de sortir son numèro de novembre (abonament: 38 èuros; de mandar a l’òrdre de Treize Rugby Events, Axe Sud 49, Grand Carrièra Sant Miquèl, 31400 Tolosa). I traparetz ma croniqueta occitana costumièra:
“Noè, Dieu dels tretzistas?
Lo primièr president de la Federacion internacionala o lo mai grand entrainaire o lo melhor dels educators de l’istòria foguèt probable lo Noè.
Per faire dintrar los Cavals Fòls de Brisbane, de Palau o de Tolosa dins l’arca, se faguèt ajudar pels Vaquièrs de Queensland. Los gabians de Sidney seguisson las partidas sens ausir lo cant melodiós del canari que conta las victòrias de Carcassona o del barbarós d’Hull que crenh pas las Aglas de Mar. A Castleford o Albi, los jogaires vestits d’irange e de negre se prenon per de tigres sortits del Libre de la Jungla per senhorejar sus las pelenas erbosas. Los singlars de las Corbièras o de Cabardés son pas de bon metre dins la topina, sus un fuòc qu’un Drac catalan poiriá plan alucar. Los Laupards de Vilanuèva se sovenon dels tempses bèls del Reialme d’Aquitània. E ara, lo Rinocèros pòrta tripla corona mentre que Pols e Lapinons desfisan Làmias e Pantèras. Sus l’arca de Noè e sus las pelenas del XIII, tot es possible!”
Alan Roch
E Whitehead marquèt dos còps
Se cada esquipa marquèt tres ensages, amb lo segonda linha e èx-Drac Eliott Whitehad dos còps a la conclusion pels angleses, son quatre còps de pè del dobertura anglés Widdop que faguèron la diferéncia. Atal, Anglatèrra ganha (doas partidas a una) la tièra de las tres espròvas amb una victòria 20-14.
Revelh catalan
Se lo rescontre Vilanuèva-Carcassona foguèt remés en rason dels atemptats de París, las tres autras partidas del campionat d’Elèit 1 se poguèron debanar sens empache. Dissabte, Avinhon prenguèt l’avantatge sus Palau 35-16. A Tolosa, Albi menèt 14-0 contra los Broncos que tornèron a egalitat, mas doas penalitats balhèron la victòria als tarneses: 18-14.
Dimenge, a Sant Estève, los Dragonets esperèron la fin de partida per faire plegar los limosencs: 30-18.
Aquesta dimenjada, ne serem ja a la fin de las partidas anar d’aquesta primièra fasa de campionat amb dissabte lo rescontre Albi-Lesinhan e dimenge de vèspre los afrontaments Palau-Tolosa, Limós-Vilanuèva e Carcassona-Avinhon.
XIII Magazine de novembre
La revista mesadièra del XIII, XIII Magazine, ven de sortir son numèro de novembre (abonament: 38 èuros; de mandar a l’òrdre de Treize Rugby Events, Axe Sud 49, Grand Carrièra Sant Miquèl, 31400 Tolosa). I traparetz ma croniqueta occitana costumièra:
“Noè, Dieu dels tretzistas?
Lo primièr president de la Federacion internacionala o lo mai grand entrainaire o lo melhor dels educators de l’istòria foguèt probable lo Noè.
Per faire dintrar los Cavals Fòls de Brisbane, de Palau o de Tolosa dins l’arca, se faguèt ajudar pels Vaquièrs de Queensland. Los gabians de Sidney seguisson las partidas sens ausir lo cant melodiós del canari que conta las victòrias de Carcassona o del barbarós d’Hull que crenh pas las Aglas de Mar. A Castleford o Albi, los jogaires vestits d’irange e de negre se prenon per de tigres sortits del Libre de la Jungla per senhorejar sus las pelenas erbosas. Los singlars de las Corbièras o de Cabardés son pas de bon metre dins la topina, sus un fuòc qu’un Drac catalan poiriá plan alucar. Los Laupards de Vilanuèva se sovenon dels tempses bèls del Reialme d’Aquitània. E ara, lo Rinocèros pòrta tripla corona mentre que Pols e Lapinons desfisan Làmias e Pantèras. Sus l’arca de Noè e sus las pelenas del XIII, tot es possible!”
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
L'Equipe-21 passa lo rescontre Anglatèrra-Kiwis aqueste dimècres 18 en serada.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari