L’estat francés refusa un drech fondamental dels enfants
Dins la celebracion del Jorn Internacional dels Dreches de l’Enfant, Calandreta remembra que França faguèt una resèrva per aplicar pas l’article que tòca los dreches lingüistics
Calandreta denóncia lo refús del drech a la diversitat lingüistica pels enfants de França. Lo collectiu d’ensenhament immersiu en occitan ven de publicar un comunicat en ocasion del Jorn Internacional dels Dreches de l’Enfant, que se commemòra aqueste 20 de novembre.
Dins aquel sens Calandreta vòl remembrar uèi que l’estat francés es dins una situacion particulara. Ratifiquèt la Convencion amb una resèrva sus l’article 30, que tòca los dreches lingüistics.
L’article 30 d’aquela Convencion ditz:
“Dins los estats ont existisson de minoritats etnicas, religiosas o lingüisticas o de personas d’origina autoctòna, un enfant autoctòn o qu’aperten a una d’aquestas minoritats pòt pas èsser privat del drech d’aver sa vida culturala pròpria, de professar e de practicar sa quita religion o d’emplegar sa lenga pròpria en comun amb los autres membres de son grop.”
“Lo Govèrn de la Republica declara, compte tengut de l’article 2 de la Constitucion de la Republica Francesa, que l’article 30 a pas de s’aplicar per çò que concernís la Republica”.
La Convencion suls Dreches de l’Enfant es un instrument internacional qu’establís los dreches civils, politics, economics, socials e culturals dels enfants. Foguèt adoptada per l’Assemblada Generala de las Nacions Unidas lo 20 de novembre del 1989 e intrèt en vigor lo 2 de setembre de 1990 après sa ratificacion de part de 78 estats membres. La convencion compta 54 articles e dos protocòls addicionals, un sus la participacion dels enfants dins de conflictes armats e un autre sus la venda d’enfants e la prostitucion e pornografia infantila.
Aquela iniciativa constituís una de las reüssidas mai importantas dins la reconeissença e l’afirmacion dels dreches umans. La Convencion suls dreches de l’enfant es un dels tractats mai ratificats del Mond; segon l’UNICÈF es estat ratificat per 193 estats e per gaireben totes los membres de las Nacions Unidas. La Convencion se centra sus l’enfança, fa referéncia als besonhs e dreches especifics dels mainats e obliga los estats d’obrar per lors melhors interèsses.
Etiquetas
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Amigas, amics, au mens o esperi,
N'es pas lo temps d'acabar los planhs e de passar a l'accion juridica e donc legala ? Si es un drech fondamental internacional prepausi de far una MASS ACTION en justicia, amassar euros per la finançar. trobar los avocats . Siben siaguessetz foncionaris pensi pas que debetz cranher quauquarren. Me teni dispost per ma part.
...magrebins, rumens, sirians, aquò que son de minoritats religiosas, etnicas e religiosas hens la França, mes “occitans“ ...? ...que’m hètz arrider ...
çò de mei proishe dun còishe occitan qu’ei lo senher Lafitte, e que’ei hèra vielh e beth francimand de tots los costats!
#3 Amic, « teniu tota la raó », com m'at escrivó, dias a, un universitari catalan.
Que vieni d'acabar ua revista istorica en dètz punts de l'actitud deus Reis, pux de las Republicas e de l'Estat francés deu Manescau Petain, decap a las loengas qui aperam « regionaus » oei lo dia.
Quand sia sus un siti Internet, que ve'n ballharèi l'adreça.
Qu'ei sancerament evident que la tradicion republicana e d'esquèrra ho tostem contra las loengas regionaus…
Com at ditz unh aute comentator, que cau saber causir los sons aliats !
No ho entenc, si ho diu els drets dels infants, que cony xerra l'estat francès, potser no saven llegir?
Bé, sigui com sigui, els drets dels infants a una educació respectuosa amb la seva cultura, està reconegut.
Que en prenguin nota.
L'Ernest, "El Tàrrega".
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Amigas, amics, au mens o esperi,
N'es pas lo temps d'acabar los planhs e de passar a l'accion juridica e donc legala ? Si es un drech fondamental internacional prepausi de far una MASS ACTION en justicia, amassar euros per la finançar. trobar los avocats . Siben siaguessetz foncionaris pensi pas que debetz cranher quauquarren. Me teni dispost per ma part.
...magrebins, rumens, sirians, aquò que son de minoritats religiosas, etnicas e religiosas hens la França, mes “occitans“ ...? ...que’m hètz arrider ...
çò de mei proishe dun còishe occitan qu’ei lo senher Lafitte, e que’ei hèra vielh e beth francimand de tots los costats!
i a pas de minoritat "occitana", i a pas d'enfants "occitans". Fotetz la mainaderia deu midi de la França la santa patz!
#3 Amic, « teniu tota la raó », com m'at escrivó, dias a, un universitari catalan.
Que vieni d'acabar ua revista istorica en dètz punts de l'actitud deus Reis, pux de las Republicas e de l'Estat francés deu Manescau Petain, decap a las loengas qui aperam « regionaus » oei lo dia.
Quand sia sus un siti Internet, que ve'n ballharèi l'adreça.
Qu'ei sancerament evident que la tradicion republicana e d'esquèrra ho tostem contra las loengas regionaus…
Com at ditz unh aute comentator, que cau saber causir los sons aliats !
Hètz beròi !
J.L.
No ho entenc, si ho diu els drets dels infants, que cony xerra l'estat francès, potser no saven llegir?
Bé, sigui com sigui, els drets dels infants a una educació respectuosa amb la seva cultura, està reconegut.
Que en prenguin nota.
L'Ernest, "El Tàrrega".
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari