Lo temps vai e ven e vira e rebomba coma una palma ovala: las partidas anar de la primièra fasa del campionat son plegadas e los Dracs an représ l’entraïnament en vista de la sason novèla de Superliga!
Un campionat desequilibrat
Fasiá pas bon rescontrar una formacion audenca aquesta dimenjada. Tre dissabte, Lesinhan montava per se tornar faire lo moral a Albi e ganhava 50-10. Dimenge, Limós èra pas inquietat per Vilanuèva: 48-4. A Domèc, l’AE Carcassona aviá de faire amb una partida mai fòrta: la jove e jogaira formacion d’Avinhon qu’atacava lo rescontre amb plan de vam per marcar dos ensages dins las dotze primièras minutas. Mas Carcassona se rebecava per menar 22-10 a la pausa. Cada esquipa marquèt puèi dos ensages per passar a 34-22, abans que los locals s’envolèsson dins lo darrièr quart d’ora: 60-22 . La victòria de Palau sus Tolosa, 26-22, completa los resultats de la jornada. E nos trapam atal a la fin d’aquesta fasa anar, amb las tres formacions audencas en cap de classament: Carcassona se trapa cap de fila amb 7 victòrias en 7 partidas, mentre que li demòra de ratrapar la partida remesa a Vilanuèva. Seguisson Limós e Lesinhan.
Truc de gigants a Carcassona
Atal, lo rescontre Carcassona-Limós de dimenge, a Domèc, serà una partida a la cima. Sovengam-nos qu’a l’Agulha, vaquí dos meses, la decision se faguèt dins la darrièra sason. Los Canaris profièitan de l’escasença per montar una operacion “L’AÈC dins la vila”, long de la semana, amb la participacion d’un quarantenat de comèrcis e per convidar (participacion: 30 €) a un caçolet bèl tre miègjorn dimenge.
Al programa de la jornada, dimenge, trapam tanben los afrontaments: Lesinhan-Palau, Vilanuèva-Albi e lo rescontre de las doas resèrvas: Dragonets-Tolosa Broncos.
Sus la pelena de Brutus
Aqueste diluns 16 de novembre, èra la represa dels entraïnaments collectius a Brutus pels Dracs catalans, ancians e novèls (coma Paul Aiton, Justin Horo, Glenn Stewart, Dave Taylor, Richie Myler, Pat Richards o Jodie Broughton). Vincenç Dupòrt torna trapar la pelena aprèp una sason blanca e Casty n’acaba amb lo temps de reeducacion de son genolh. Aitant dire que la campanha d’abonaments es plan lançada. Los Dracs an mes al programa dos rescontres amicals en genièr: lo dissabte 9 a Carcassona contra los Chivalièrs Catars e lo dissabte 23 en Anglatèrra.
Alan Roch
Un campionat desequilibrat
Fasiá pas bon rescontrar una formacion audenca aquesta dimenjada. Tre dissabte, Lesinhan montava per se tornar faire lo moral a Albi e ganhava 50-10. Dimenge, Limós èra pas inquietat per Vilanuèva: 48-4. A Domèc, l’AE Carcassona aviá de faire amb una partida mai fòrta: la jove e jogaira formacion d’Avinhon qu’atacava lo rescontre amb plan de vam per marcar dos ensages dins las dotze primièras minutas. Mas Carcassona se rebecava per menar 22-10 a la pausa. Cada esquipa marquèt puèi dos ensages per passar a 34-22, abans que los locals s’envolèsson dins lo darrièr quart d’ora: 60-22 . La victòria de Palau sus Tolosa, 26-22, completa los resultats de la jornada. E nos trapam atal a la fin d’aquesta fasa anar, amb las tres formacions audencas en cap de classament: Carcassona se trapa cap de fila amb 7 victòrias en 7 partidas, mentre que li demòra de ratrapar la partida remesa a Vilanuèva. Seguisson Limós e Lesinhan.
Truc de gigants a Carcassona
Atal, lo rescontre Carcassona-Limós de dimenge, a Domèc, serà una partida a la cima. Sovengam-nos qu’a l’Agulha, vaquí dos meses, la decision se faguèt dins la darrièra sason. Los Canaris profièitan de l’escasença per montar una operacion “L’AÈC dins la vila”, long de la semana, amb la participacion d’un quarantenat de comèrcis e per convidar (participacion: 30 €) a un caçolet bèl tre miègjorn dimenge.
Al programa de la jornada, dimenge, trapam tanben los afrontaments: Lesinhan-Palau, Vilanuèva-Albi e lo rescontre de las doas resèrvas: Dragonets-Tolosa Broncos.
Sus la pelena de Brutus
Aqueste diluns 16 de novembre, èra la represa dels entraïnaments collectius a Brutus pels Dracs catalans, ancians e novèls (coma Paul Aiton, Justin Horo, Glenn Stewart, Dave Taylor, Richie Myler, Pat Richards o Jodie Broughton). Vincenç Dupòrt torna trapar la pelena aprèp una sason blanca e Casty n’acaba amb lo temps de reeducacion de son genolh. Aitant dire que la campanha d’abonaments es plan lançada. Los Dracs an mes al programa dos rescontres amicals en genièr: lo dissabte 9 a Carcassona contra los Chivalièrs Catars e lo dissabte 23 en Anglatèrra.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari