Actualitats
Brasil: Los regèts d’una mina an causat una enòrma catastròfa environamentala
Lo flume Doce es estat destruch per un “tsunami de fanga” qu’es arribat dins l’ocean. Caldrà 30 ans per que lo riu siá recuperat
Una avalanca de fanga e de residús minièrs, que se destaquèron lo 5 de novembre passat d’una restanca en Brasil, son arribats a l’Ocean Atlantic en tot provocar una grèva catastròfa ecologica. Se tracta de 55 milions de mètres cubes de fanga amb de residús del mineral de fèrre, que los acomolava la societat minièra Samarco, e que se liberèron còp sec après la trencadura de la restanca dins l’estat de Minas Gerais. Puèi, lo “tusunami de fanga” devastèt la vila de Mariana en tuant 12 personas e en causant 12 desapareguts.
La lima a avançat mai de 500 quilomètres dins lo flume Doce en arribant fins a la mar. Segon los scientifics citats per la BBC, a damatjat lo flume sus 853 quilomètres en tuant de flòra e de fauna e en menaçant d’extincion qualques espècias unicas. Lo jornal O Globo precisa que 900 ectaras de flòra an desaparegut.
La tragèdia a daissat aperaquí 280 000 personas sens fornidura d’aiga e ara genèra un chepic màger per l’impacte que pòt aver dins l’ocean. Lo bocal del flume Doce es una zòna d’alimentacion e de procreacion de mantas espècias marinas, dont las menaçadas tartugas laüt, de dalfins e de balenas.
La justícia brasilièra ven de decidir que la societat Samarco deu evitar que la fanga atenga la mar e que deu pagar una multa equivalent a 2,4 milions d’èuros per cada jorn d’incompliment. De son costat, Samarco a començat d’installar de barrièras flotantas al bocal del flume similaras a las que s’emplega per conténer los versaments de petròli dins la mar.
Samarco —qu’es proprietat de la societat brasilièra Vale e de l’angloaustraliana BHP Billiton— a recebut ja una multa per l’equivament de 60 milions d’èuros e poiriá recebre de nòvas sancions. Mas dins lo mitan ecologista de Brasil, se considèra que la justícia es estada tròp leugièra amb Samarco e reclaman de cambiaments de la lei contra los damatges environamentals. Pasmens, l’ecosistèma del flume Doce es ja fòrça tocat e caldrà 30 ans per que siá recuperat, segon çò que reconeguèt la ministra de l’environament brasilièra Izabela Teixeira.
La lima a avançat mai de 500 quilomètres dins lo flume Doce en arribant fins a la mar. Segon los scientifics citats per la BBC, a damatjat lo flume sus 853 quilomètres en tuant de flòra e de fauna e en menaçant d’extincion qualques espècias unicas. Lo jornal O Globo precisa que 900 ectaras de flòra an desaparegut.
La tragèdia a daissat aperaquí 280 000 personas sens fornidura d’aiga e ara genèra un chepic màger per l’impacte que pòt aver dins l’ocean. Lo bocal del flume Doce es una zòna d’alimentacion e de procreacion de mantas espècias marinas, dont las menaçadas tartugas laüt, de dalfins e de balenas.
La justícia brasilièra ven de decidir que la societat Samarco deu evitar que la fanga atenga la mar e que deu pagar una multa equivalent a 2,4 milions d’èuros per cada jorn d’incompliment. De son costat, Samarco a començat d’installar de barrièras flotantas al bocal del flume similaras a las que s’emplega per conténer los versaments de petròli dins la mar.
Samarco —qu’es proprietat de la societat brasilièra Vale e de l’angloaustraliana BHP Billiton— a recebut ja una multa per l’equivament de 60 milions d’èuros e poiriá recebre de nòvas sancions. Mas dins lo mitan ecologista de Brasil, se considèra que la justícia es estada tròp leugièra amb Samarco e reclaman de cambiaments de la lei contra los damatges environamentals. Pasmens, l’ecosistèma del flume Doce es ja fòrça tocat e caldrà 30 ans per que siá recuperat, segon çò que reconeguèt la ministra de l’environament brasilièra Izabela Teixeira.
11 muertos y pueblos arrasados por lodo tóxico.Brasil enfrenta una catástrofe ambiental tras el colapso de dos diques con desechos de minería.
Posted by AJ+ Español on divendres, 20 / novembre / 2015
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Vergonyós! Patétic! Estúpid! És que no l'importa a ningú, perquè sempre que passa això -i savem que pot passar- mirem cap un altre cantó.
Senyors, que l'Amazonia és precióssa, perquè fem això, com li pots fotre una bassa de merda fangossa i contaminant. vaja verinosa, a un lloc tan maravelós.
Potser mana gent esptúpida que no és capaça de veure que és maravellós en aquest Món.
Bé, gent que heu fet això, aneu a l'infern i no torneu.
L'Ernest, "El Tàrrega".
Drecha o esquèrra, lo governament brasilian dança la samba. On es l'espèr soslevat per Lula?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari