Actualitats
Turquia a abatut un avion militar rus a la frontièra amb Siria
“Es una escotelada dins l’esquina que sembla facha pels complices del terrorisme”, çò diguèt Putin
D’avions de guèrra turcs abatèron ièr un avion militar rus que subrevolava la frontièra de Siria. Segon l’armada turca, lors F-16 an detectat un avion non identificat que presumidament subrevolava lor espaci aerian e, après l’avertir repetidament, l’abatèron. Los dos ocupants de l’aparelh poguèron sautar abans que l’avion rus s’escrachèsse sus las montanhas d’Ataquié al nòrd de l’estat sirian. Pauc de temps puèi, lo Ministèri de la Defensa rus confirmèt que l’avion abatut, un Su-24, èra sieu.
Dempuèi setembre, Russia mena a tèrme una campanha aeriana en Siria contra l’Estat Islamic, en collaboracion amb lo govèrn del president Bashshar Al Asad.
Al començament d’octòbre, en seguida de qualques violacions de l’espaci aerian turc de part d’avions russes de combat, lo primièr ministre Ahmet Davutoğlu aviá avertit Moscòu “qu’adoptariá las mesuras necessàrias”.
Tension entre Russia e Turquia
Turquia aviá ja denonciat divèrsas violacions de son espaci aerian tre que l’armada russa comencèt d’intervenir en la guèrra de Siria, tanben aviá ja avertit Moscòu que tombariá los avions russes que traversèsson la frontièra. Russia quitament admetèt aquelas violacions, que las expliquèt a causa de marridas condicions metereologicas e que la basa aeriana ont opèran dins l’estat sirian es a 30 quilomètres de la frontièra.
Après que l’avion foguèt tombat, dos elicoptèrs militars russes ensagèron d’anar salvar los pilòts mas de milicians turcmèns o empediguèron. Dins aquela region l’armada russa ajudariá lo govèrn sirian de Bashshar Al Asad contra los turcmèns, qu’an lo sosten de Turquia.
Pel president de Russia, Vladimir Putin, aquel atac aurà de “consequéncias tragicas”. Putin assegurèt que l’aparelh foguèt abatut quand èra a un quilomètre dins lo territòri sirian e quand volava a 6000 mètres d’altitud. “Es una escotelada dins l’esquina que sembla facha pels complices del terrorisme”, çò diguèt Putin.
Es lo primièr còp en 50 ans qu’un avion rus es tombat per un país membre de l’OTAN. Conscient d’aquò, lo govèrn turc a demandat una reünion urgenta de l’organisme, que se debanarà dimars que ven a Brussèlas.
Aquel incident es arribat dins un marrit moment de las relacions entre los Estats Units e Russia, doas poténcias qu’intervenon dins lo conflicte sirian e que s’opausan per menar de politicas diferentas dins aquel conflicte.
Dempuèi setembre, Russia mena a tèrme una campanha aeriana en Siria contra l’Estat Islamic, en collaboracion amb lo govèrn del president Bashshar Al Asad.
Al començament d’octòbre, en seguida de qualques violacions de l’espaci aerian turc de part d’avions russes de combat, lo primièr ministre Ahmet Davutoğlu aviá avertit Moscòu “qu’adoptariá las mesuras necessàrias”.
Tension entre Russia e Turquia
Turquia aviá ja denonciat divèrsas violacions de son espaci aerian tre que l’armada russa comencèt d’intervenir en la guèrra de Siria, tanben aviá ja avertit Moscòu que tombariá los avions russes que traversèsson la frontièra. Russia quitament admetèt aquelas violacions, que las expliquèt a causa de marridas condicions metereologicas e que la basa aeriana ont opèran dins l’estat sirian es a 30 quilomètres de la frontièra.
Après que l’avion foguèt tombat, dos elicoptèrs militars russes ensagèron d’anar salvar los pilòts mas de milicians turcmèns o empediguèron. Dins aquela region l’armada russa ajudariá lo govèrn sirian de Bashshar Al Asad contra los turcmèns, qu’an lo sosten de Turquia.
Pel president de Russia, Vladimir Putin, aquel atac aurà de “consequéncias tragicas”. Putin assegurèt que l’aparelh foguèt abatut quand èra a un quilomètre dins lo territòri sirian e quand volava a 6000 mètres d’altitud. “Es una escotelada dins l’esquina que sembla facha pels complices del terrorisme”, çò diguèt Putin.
Es lo primièr còp en 50 ans qu’un avion rus es tombat per un país membre de l’OTAN. Conscient d’aquò, lo govèrn turc a demandat una reünion urgenta de l’organisme, que se debanarà dimars que ven a Brussèlas.
Aquel incident es arribat dins un marrit moment de las relacions entre los Estats Units e Russia, doas poténcias qu’intervenon dins lo conflicte sirian e que s’opausan per menar de politicas diferentas dins aquel conflicte.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
l'EI ven petroli a Turquia de contraband,los russes los han fotut lo negoci bombardejant los camions cisterna de transport de la bensina. La Turquia s'alinea amb l'EI,l'Arabia Saidita,los emirats, Israel e l'altre que tots sabem e que cal pas nomenar.
Encara una pròva de mai que Turquia es un Estat pro- islamista e Erdogan un terrorista . Los turcmènes son una varietat de turcs sunitas , los fraires de los de China sonats Oigorts que fan petar de bombas de longa tanben , jos l'uèlh rejovenit de la CIA. Sostenguts per l'Arabia Saodita , Qatar e Turquia. Tre l'avion abatut , la Turquia merdosa, es anada s'aparar darrièr l'OTAN , que s'en trobèt fòrça contenta. Dempuèi la debuta la tòca del "monde liure" es de ne finir ambe los qualques poders laics arabs qu'i avià un còp èra . An capitat ambe Gadafi, Sadam Hussein , e demòra encara lo "dictator " Assad" en facia dels " democratas" renomats d''Arabia Saoudita ( qu' a copada mai de caps que l'EI aquesta annada ) , del Qatar e plan segur de Turquia ( 130 morts , 300 blassats , a la vèlha de las eleccions ) , coma nos l'an vendut , los nòstres jornalistas "liures e objectius) dempuèi la debuta de la guèrra , ambe d' islamistes "moderats" ( quitament de vertadièrs republicans gaireben de las brigadas internacionalas ) mas que tiran sus los paracasudistas en cridant Allah Akbar (se pòt veire sul web.
Calguèt lo 13 de novembre a Paris per cambiar l'idèa dels nòstres pensaires de Scienças PO.
Fin finala una de las reponsas possiblas russas , iranianas e sirianas poirià èsser d' armar los Curds que pòblan tot lo ròdol , sud est de Turquia e nord de Siria, que son victimes de la terror turqua e qu'espèran pas qu'aquò... Benlèu qu'Erdogan va se trobar lèu en facia d'enemics plan armats , per una autra guèrra d'independencia aquela.
Una guèrra de mai. Quant de morts de mai!
E doncas òm vei venir subretot l'espandiment de la guèrra . Òm vei pas consi Turquia poirà escapar a l'escalada e al brasal que contribuèt fòrca d'alucar a l'entorn de sas frontièiras .
Per los que creson encara que la guèrra es la solucion!
Qu'es benlèu la debuta d'una guèrra mondiala ambe lo petròli al mitan!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari