Almens 14 personas moriguèron ièr en un atemptat contra un autobús que transportava d’agents de la gàrdia presidenciala de Tunisia. L’autobús espetèt quand transitava pel centre de la capitala, çò rapòrta un comunicat del ministèri de l’interior.
 
Segon de testimònis mençonats per l’agéncia d’informacions Efe, l’atac seriá causat per un kamikaze que faguèt esclatar una bomba quand l’autobús passava davant lo sèti del partit de l’èx-dictator del país, Zin Al Abidin Bin Ali. La majoritat de las victimas son d’agents de la seguretat, segon Efe.
 
Es ara lo tresen atac jihadista que patís Tunisia ongan. En junh passat ataquèron un complèxe toristic a Sossa, del temps qu’en març lo chaple se visquèt dins lo Musèu de Bardaw, en causant de desenats de mòrts.