Actualitats
L’acadèmia de Lemòtges contra l’ensenhament public de l’occitan
La FÈLCO e Dàvid Grosclaude reagisson a una responsa mespresanta del rector contra l’ensehament de la lenga del país, que quitament escarnís la lei
Lo rectorat de l’acadèmia de Lemòtges s’interèssa pas brica a l’occitan dins l’ensenhament public e quitament vòl pas installar un conselh academic de las lengas mal nomenadas regionalas. Aquò se pòt veire dins l’estonanta responsa del rector, Pierre-Yves Duwoye, a la demanda de la conselhièra regionala Estela Parot-Urroz, tocant l’esenhament de l’occitan en Lemosin.
“Dins lo primier gra, l’occitan es pas ensenhat dins las escòlas publicas. Es dispensat, a Lemòtges, a l’escòla privada jos contracte, la Calandreta”, çò ditz la letra de Duwoye. Per rapòrt al segond gra, lo rector mençona los tres collègis ont s’ensenha la lenga del país. Pasmens, ditz que “la constitucion d’un conselh regional de las lengas ancianas es pas estat jutjat prioritari”. La rason es lo “feble pes de l’occitan sus nòstre territòri”.
La Federacion dels Ensenhaires de Lenga e Cultura d’Òc (FÈLCO) a reagit amb fòrça. En mai de mostrar lor estonament de la confusion del rector, que parla d’un conselh regional “de las lengas ancianas” en luòc “de las lengas regionalas”, los representants de la FÈLCO remembran que lo rector escarnís la lei.
Dins son blòg, lo conselhièr regional Dàvid Grosclaude critica tanben la bestiesa de l’acadèmia de Lemòtges e remembra que la lei de 2001 indica ben que lo mençonat conselh academic de las lengas regionalas deu èsser mes en plaça pels rectors. E mai, Lemòtges es dins la lista de las acadèmias qu’an aquela obligacion, segon un decret publicat en 2002, çò remembra Grosclaude.
Denóncia a la justícia e manifestacion
Dimars que ven, la conselhièra Estela Parot-Urroz, per mandadís a la Pòsta, farà sa denóncia al tribunal administratiu contra lo rectorat de l’acadèmia de Lemòtges per violacion del drech de la Republica. L’accion se farà aqueste dimars 1r de decembre, e an convocat un acamp de sosten a la conselhièra davant lo burèu de pòsta de Lemòtges-Prefectura, a la Plaça d’Stalingrad a 10h.
En Peiregòrd an enebit la manifestacion per l’occitan al collègi
En Peiregòrd los ensenhaires d’occitan son tanplan mespresats. Las autoritats an enebit la manifestacion prevista aqueste dissabte a Peireguers per revendicar la preséncia de l’occitan al collègi.
L’estat d’emergéncia permet quitament pas de manifestar ni d’interpelar los candidats a las eleccions regionalas que se sarran, çò planh lo collectiu dels Mespresats, organizaires de la protèsta. E mai se lo rector de l’acadèmia que cobrís Peireguers assegura que parla amb lo ministèri per que se modifique pas lo finançament nimai los ensenhament en “lengas regionalas” a la rintrada de 2016, lo collectiu Mespresats vòl qu’aquela seguretat siá perennizada delà la rintrada que ven.
Lo collectiu remarca que dins las eleccions regionalas d’ongan, los grands partits an pas mostrat cap d’ambicion per las lengas e las culturas istoricas del territòri, mas dins los comicis de fa sièis ans, la lenga del país èra un engatjament electoral.
Dins los documents çai jonches podètz veire la letra del rector de Lemòtges a la conselhièra, e la reaccion de la FÈLCO. I a tanben lo comunicat de premsa del collectiu dels Mespresats de Peiregòrd.
France 3, lo blòg occitan: L’occitan al collègi: lo punt sus lo recors
“Dins lo primier gra, l’occitan es pas ensenhat dins las escòlas publicas. Es dispensat, a Lemòtges, a l’escòla privada jos contracte, la Calandreta”, çò ditz la letra de Duwoye. Per rapòrt al segond gra, lo rector mençona los tres collègis ont s’ensenha la lenga del país. Pasmens, ditz que “la constitucion d’un conselh regional de las lengas ancianas es pas estat jutjat prioritari”. La rason es lo “feble pes de l’occitan sus nòstre territòri”.
La Federacion dels Ensenhaires de Lenga e Cultura d’Òc (FÈLCO) a reagit amb fòrça. En mai de mostrar lor estonament de la confusion del rector, que parla d’un conselh regional “de las lengas ancianas” en luòc “de las lengas regionalas”, los representants de la FÈLCO remembran que lo rector escarnís la lei.
Dins son blòg, lo conselhièr regional Dàvid Grosclaude critica tanben la bestiesa de l’acadèmia de Lemòtges e remembra que la lei de 2001 indica ben que lo mençonat conselh academic de las lengas regionalas deu èsser mes en plaça pels rectors. E mai, Lemòtges es dins la lista de las acadèmias qu’an aquela obligacion, segon un decret publicat en 2002, çò remembra Grosclaude.
Denóncia a la justícia e manifestacion
Dimars que ven, la conselhièra Estela Parot-Urroz, per mandadís a la Pòsta, farà sa denóncia al tribunal administratiu contra lo rectorat de l’acadèmia de Lemòtges per violacion del drech de la Republica. L’accion se farà aqueste dimars 1r de decembre, e an convocat un acamp de sosten a la conselhièra davant lo burèu de pòsta de Lemòtges-Prefectura, a la Plaça d’Stalingrad a 10h.
En Peiregòrd an enebit la manifestacion per l’occitan al collègi
En Peiregòrd los ensenhaires d’occitan son tanplan mespresats. Las autoritats an enebit la manifestacion prevista aqueste dissabte a Peireguers per revendicar la preséncia de l’occitan al collègi.
L’estat d’emergéncia permet quitament pas de manifestar ni d’interpelar los candidats a las eleccions regionalas que se sarran, çò planh lo collectiu dels Mespresats, organizaires de la protèsta. E mai se lo rector de l’acadèmia que cobrís Peireguers assegura que parla amb lo ministèri per que se modifique pas lo finançament nimai los ensenhament en “lengas regionalas” a la rintrada de 2016, lo collectiu Mespresats vòl qu’aquela seguretat siá perennizada delà la rintrada que ven.
Lo collectiu remarca que dins las eleccions regionalas d’ongan, los grands partits an pas mostrat cap d’ambicion per las lengas e las culturas istoricas del territòri, mas dins los comicis de fa sièis ans, la lenga del país èra un engatjament electoral.
Dins los documents çai jonches podètz veire la letra del rector de Lemòtges a la conselhièra, e la reaccion de la FÈLCO. I a tanben lo comunicat de premsa del collectiu dels Mespresats de Peiregòrd.
France 3, lo blòg occitan: L’occitan al collègi: lo punt sus lo recors
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Totes aquestes homos de cromanhon de fa 1500 milions d'anys, los cal posar a far trabalhs per son capacitat, com a màxim per netejar los cagadors de Lemotges e los pissadors de Perigord.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari