Actualitats
An detectat un fogal de gripa aviària en Peiregòrd
Lo plan estatal d’intervencion sanitària d’urgéncia (PISU) es estat activat
An detectat un fogal de gripa aviària H5N1 dins una polassariá de particulars a Biràs (Peiregòrd Central). Lo virus es estat detectat sus un vintenat de galinas en seguida del senhalament d’una mortalitat anormala, çò confirmèt dimarts de ser un laboratòri de l’Agéncia Estatala de Seguretat Alimentària. Lo ministèri francés de l’agricultura a precisat que lo plan estatal d’intervencion sanitària d’urgéncia (PISU) es estat activat, çò rapòrta Le Figaro. Se coneis pas l’origina d’aquela contaminacion, que segon los expèrts es probable que siá arribada amb un aucèl salvatge.
Totes los animals d’aquela polassariá peiregòrda son estats tuats, es una de las mesuras del PISU tanben prevei la restriccion de la circulacion dels animals e de las personas a l’entorn del fogal. S’es installat de zònas de susvelhança a 3 e a 10 quilomètres a l’entorn de la bòria, que s’es netejada e desinfectada.
L’H5N1 es una soca extrèmament patogèna de la gripa aviària que se detectèt per lo primièr còp sus d’umans en 1997 a Hong Kong. A la diferéncia d’autres virus de la meteissa gripa aviària, l’H5N1 es capable de s’adaptar als èssers umans, mas a l’ora d’ara s’es pas constatat cap de transmission interumana. Totun, aquel virus contunha de far un trentenat de victimas umanas per an, mai que mai de personas que trabalhan dins l’elevatge de polalha e que son dirèctament expausadas a de fòrtas cargas viralas.
Las autoritats soslinhan que i a pas cap de risc de consumar de produches eissits de la polalha contaminada, que siá de carn o que sián d’uòus.
Totes los animals d’aquela polassariá peiregòrda son estats tuats, es una de las mesuras del PISU tanben prevei la restriccion de la circulacion dels animals e de las personas a l’entorn del fogal. S’es installat de zònas de susvelhança a 3 e a 10 quilomètres a l’entorn de la bòria, que s’es netejada e desinfectada.
L’H5N1 es una soca extrèmament patogèna de la gripa aviària que se detectèt per lo primièr còp sus d’umans en 1997 a Hong Kong. A la diferéncia d’autres virus de la meteissa gripa aviària, l’H5N1 es capable de s’adaptar als èssers umans, mas a l’ora d’ara s’es pas constatat cap de transmission interumana. Totun, aquel virus contunha de far un trentenat de victimas umanas per an, mai que mai de personas que trabalhan dins l’elevatge de polalha e que son dirèctament expausadas a de fòrtas cargas viralas.
Las autoritats soslinhan que i a pas cap de risc de consumar de produches eissits de la polalha contaminada, que siá de carn o que sián d’uòus.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
L'imatge causida tad illustrar aqueth vilatge de Peiregòrd que'ns monstra l'esvarjabla pabalhonerizacion deu noste pèis ... Prauba glèisa, tota cintada per lo saunei californian deus "neoruraus".
L'enlediment d'Occitania, causat per l'espandida urbana e l'evanescéncia de la cultura locau, que's hè shens que los occitanistas e digan quauquarren.
Los auseus sauvatges portan la gripa mas las bombas dins l'Orient Median portan pas lo virus; pertant fan daus mòrts que l'òm compta pus. Lo virus mai los micròbes son pas las causas de las malaudias. Se developan quand las condicions d'igiena son pas respectadas sus un terren fragilisat.
Mas agitar la paur de la malaudia e daus micròbas fai vendre daus vacins e norir los laboratoris farmaceutics.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari