Dissabte de ser, un parelh de 44 ans tirèron contra qualques joves musulmans a l’ora de l’Iftar, en plena celebracion del ramadan a Aigas Mòrtas (Camarga), segon d’informacions d’RTL. Après una garrolha, lo parelh tirèron contra los joves dempuèi una veitura. I aguèt sonque un ferit leugièr.
Lo parelh respondèron ièr davant la justícia de Nimes après aver proferit d’intencions racistas e aver dobèrt lo fuòc contra almens uèch joves, la nuèch de dissabte, a Aigas Mòrtas, en ferissent un jove a la cuèissa e a l’esquina.
Qualques còps de fuòc an tocat egalament una veitura ont i aviá una maire e la siá filha de 9 ans, totas doas d’origina maugrabina.
Aqueles atacs totjorn s’acompanhavan d’insultes racistas.
La setmana passada, a Montalban (Bas Carcin), los fidèls qu’anavan pregar a la mosqueta trobèron dos caps de pòrc e tot lo sòl tacat del sang de l’animal que los musulmans considèran impur.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari