Actualitats
Lo Papa Francés a denonciat en Africa “las nòvas formas de colonialisme”
Lo pontife a acabat lo sieu viatge complicat en Kenya en tot defendre los paures contra çò qu’a definit coma lo “nòu colonialisme”
Lo Papa Francés a acabat son viatge en Kenya dins una gleisòta periferica de Kenya, plaçada dins un dels diches “bidonvilas”, ont a afirmat que la lucha contra la pauretat es totjorn estada una prioritat de la Glèisa. Aquela vesita li a permés de lançar una fòrta crida per la justícia sociala, la santat environamentala, la fin de l’exclusion e de la “cultura del degalhatge”, de classificar los èssers umans en foncion de lor utilitat per la societat de consume, çò rapòrta News.va.
Francés a denonciat energicament “l’injustícia atròça de la marginalizacion urbana”. I a dich qu’aquò “es lo damatge causat per las minoritats que concentran lo poder, la riquesa egoïsta e los residús, mentre que de mai en mai las grandas majoritats se veson obligadas de se refugiar dins las perifèrias abandonadas, contaminadas e marginalizadas”.
Lo Papa i a denonciat que “i a de nòvas formas de colonialisme que vòlon encara que los païses africans fagan partida d’un mecanisme, que siá de pèças d’un engranatge gigant”.
Lo pontife fa son viatge apostolic en Kenya, en Oganda e en Centreafrica entre lo 25 e lo 30 de novembre.
Francés a denonciat energicament “l’injustícia atròça de la marginalizacion urbana”. I a dich qu’aquò “es lo damatge causat per las minoritats que concentran lo poder, la riquesa egoïsta e los residús, mentre que de mai en mai las grandas majoritats se veson obligadas de se refugiar dins las perifèrias abandonadas, contaminadas e marginalizadas”.
Lo Papa i a denonciat que “i a de nòvas formas de colonialisme que vòlon encara que los païses africans fagan partida d’un mecanisme, que siá de pèças d’un engranatge gigant”.
Lo pontife fa son viatge apostolic en Kenya, en Oganda e en Centreafrica entre lo 25 e lo 30 de novembre.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#3 E ben, sembla que i a un colhon qu'es pas al corrent de çò que se passa al Vatican.
Un successor de Woytila, lo qu'amaguèt la pedofilia dins la glèisa? Lo que cobriguèt de son "carisma" de comediant los escandals financièrs, politics e sexuals del Vatican? Lo que daissèt un brave merdièr a Beneset? Me sembla que Francés a pas res a veire amb aquel arlèri e cal esperar qu'arribarà a començar de netejar las establas d'Augiàs. Disi començar perque i a tant de trabalh de far... E puèi, a mai son edat, se pòt crànher que li abrèugen la vida aqueles de la curia romana.
Quò fasiá un brave moment que nautres 'peitavem un papa que siriá le digne successor dau Juan-Pau II... enfin...
(espeitar/apeitar/'peitar = esperem)
lo papa a rason, l'Africa auriá degut evoluar dins lo quadre de son economia agrària arcaica e tribala, amb lo solèu se podriá electrificar a un cost minimon, mai seis abitants vòlon participar ai delicis dau paradis occidentau e faire Sant-Crebassi tot l'an, plus res vòu restar en campanha, totis en vila, lei pais industrializats li vòlon trobat un "débouché" e lei sordats de l'armada dau Mali son equipats de caucetas made in china que li son facturats 6 euros lo pareu e aquelei qu'an empochat lo benefici lei trobaretz au govèrn dau pais qu'es arrosat per l'argent de la coperacion -d'autres detalhs dins un article der Spiegel d'aquesta setmana
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari