Los atemptats de París e l’estat d’emergéncia marcan la campanha de las eleccions regionalas que se debanaràn dins l’estat francés, dimenge 6 de decembre per lo primièr torn, e lo 13 de decembre per lo segond torn. La deriva ultrapatriotica que la còla d’Hollande a pres, en seguida d’aqueles crimes, a butat tant lo Partit Socialista coma Los Republicans a adoptar un discors patriotic francés exclusiu; aquel discors es pas pus una caracteristica unica del Front Nacional ni de l’ultradrecha.
 
Dins aquel sens, lo cap dels Republicans, Nicolas Sarkozy, faguèt dijòus passat a Avinhon (Comtat Venaicin) un discors per l’uniformizacion identitària e contra la multiculturalitat. “I a pas d’indentitat francesa aürosa dins una societat venguda multiculturala”, çò diguèt l’èx-president francés e candidat dels Republicans dins un acte electoral, coma o rapòrta Midi Libre.
 
“O disi amb gravitat, desenant degun pòt pas mai voler partejar lo destin francés sens prene en compte las valors de França. França es pas un supermercat ont causissètz çò que vos conven. França es un tot que l’òm adòpta coma tal e al qual òm pòrta sa contribucion, e s’aquò plai pas, òm es pas francés. Sas valors aurián pas degut èsser brandadas, aurián pas degut èsser renegadas. Aquí es la cultura de França, es pas una cultura multiculturala”, çò declarèt Sarkozy jols aplaudiments d’un public ebri d’ultrafrancisme exclusiu.
 
 
 

Meeting à Avignon en présence de Nicolas SARKOZYper christian-estrosi