E mai se los partisans de l’independéncia d’Hong Kong son pas gaire nombroses, eles an provocat lo chepic al govèrn autonòm de la ciutat e al govèrn chinés. Ara, China a anonciat qu’enseguirà los que faràn d’accions publicas en favor de l’independéncia e que lor retirarà lo passapòrt. O justifica en disent que se lor agrada pas d’èsser chineses lor cal pas aver lo passapòrt chinés.
 
Aquela mesura insolita poiriá crear un vertadièr problèma internacional, pr’amor qu’a Hong Kong i a tres milions de personas qu’encara tenon lo vièlh passapòrt britanic. Alavetz, se lor retiravan lo passapòrt chinés e la nacionalitat chinesa, vendrián tornarmai de subjèctes del Reialme Unit dins totes los efièches. Alavetz, la paradòxa seriá que la majoritat de la populacion d’Hong Kong poiriá èsser britanica, après quinze ans del cambiament de la sobeiranetat de la vila, çò rapòrta Vilaweb. Lo passapòrt britanic es encara en vigor a Hong Kong pr’amor que las autoritats chinesas lo considèran encara valid coma document d’identificacion.
 
A l’ora d’ara, los ciutadans d’Hong Kong an un passapòrt chinés especial, diferent del qu’an los autres ciutadans de China.