Actualitats
Canadà a concedit lo permés de residéncia per la familha d’Alan Kurdi
L’enfant, son fraire e sa maire moriguèron quand ensajavan de viatjar vèrs Euròpa, e la fòto de sa mòrt virèt dins lo Mond entièr
La familha d’Alan Kurdi, l’enfant que trobèron mòrt sus una plaja de Bodrum, en Turquia, lo 3 de setembre passat, quand ensajava d’arribar en Euròpa, a recebut lo permés de residéncia en Canadà. La fotografia de Kurdi mòrt sus la plaja faguèt lo torn del Mond e causèt un impacte enòrme.
Los Kurdi avián de parents en Canadà, en particular una tanta, que faguèt las cambadas per que foguèsson aculhits coma refugiats. Mas l’agéncia canadiana d’emigracion o refusèt en invocant de defauts de forma dins la sollicitacion. Après la mòrt d’Alan, lo govèrn canadian demandèt perdon e confirmèt qu’aculhiriá la familha. Ara l’oncle, sa femna e sos cinc enfants se poiràn establir legalament en Canadà.
Lo paire refusa e s’estima mai de demorar en Curdistan
Malgrat l’ofèrta de Canadà, Abdullah Kurdi, lo paire de l’enfant, s’es estimat mai de demorar a Erbel, la vila de Curdistan ont demòra ara. Abdullah Kurdi subrevisquèt al naufragi del sieu vaissèl del temps que la rèsta de la familha que viatjavan amb el, sa femna e dos enfants de tres e cinc ans, moriguèron.
La familha d’Abdullah èra estada desplaçada qualques còps e en 2012 aviá fugit en Turquia. Èran partits de Kobanê a causa dels intenses bombardaments entre l’Estat Islamic e los milicians curds, aquestes darrièrs en defendent la vila. Abdullah Kurdi, ara, demòra al Curdistan iraquian e ditz qu’a pas cap d’enveja de demorar en Euròpa nimai en Canadà.
Los Kurdi avián de parents en Canadà, en particular una tanta, que faguèt las cambadas per que foguèsson aculhits coma refugiats. Mas l’agéncia canadiana d’emigracion o refusèt en invocant de defauts de forma dins la sollicitacion. Après la mòrt d’Alan, lo govèrn canadian demandèt perdon e confirmèt qu’aculhiriá la familha. Ara l’oncle, sa femna e sos cinc enfants se poiràn establir legalament en Canadà.
Lo paire refusa e s’estima mai de demorar en Curdistan
Malgrat l’ofèrta de Canadà, Abdullah Kurdi, lo paire de l’enfant, s’es estimat mai de demorar a Erbel, la vila de Curdistan ont demòra ara. Abdullah Kurdi subrevisquèt al naufragi del sieu vaissèl del temps que la rèsta de la familha que viatjavan amb el, sa femna e dos enfants de tres e cinc ans, moriguèron.
La familha d’Abdullah èra estada desplaçada qualques còps e en 2012 aviá fugit en Turquia. Èran partits de Kobanê a causa dels intenses bombardaments entre l’Estat Islamic e los milicians curds, aquestes darrièrs en defendent la vila. Abdullah Kurdi, ara, demòra al Curdistan iraquian e ditz qu’a pas cap d’enveja de demorar en Euròpa nimai en Canadà.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
aquesta decision de restar au Curdistan pròva un còp de mai lo coratge e lo civisme dau pòble curd , solet a aguer fach recular l'estat islamic e vodriáu rememoriar l'escrivan d'oc poliglot irlandés Alan Ward qu'en 1970 anèt se passejar au Curdistan au perilh de sa vida e n' estent urosament rescapat publiquèt un recuèlh de poesia a l'IEO colleccion messatges "la còrda roja" en laus e onor dau pòble curd
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari