Actualitats
Catalonha e Aran: lo Tribunal Constitucional espanhòl a anullat la resolucion del Parlament catalan que se vòl “desconnectar d’Espanha”
Lo govèrn catalan respond que lo tèxt “se manten inalterable” e que sos “efièches politics” s’arrestaràn pas
Lo Tribunal Constitucional de l’estat espanhòl anullèt dimècres passat la resolucion aprovada pel Parlament de Catalonha e Aran lo 9 de setembre passat sus lo començament del procès d’independéncia. Los magistrats emetèron a l’unanimitat la senténcia mai rapida de l’istòria d’aquela cort.
De son costat, la vicepresidenta del govèrn de la Generalitat de Catalonha, Neus Munté, a afirmat en puèi que la resolucion del Parlament se manten “inalterabla” e que la decision del Tribunal Constitucional n’“arrèsta pas los efièches, que son politics”. “Cap de senténcia arrestarà pas lo mandat democratic eissit de las urnas”, çò apondèt Munté.
La resolucion del parlament de Catalonha e Aran, que la cort espanhòla ven de l’anullar, s’èra aprovada lo 9 de novembre passat per majoritat absoluda amb 72 vòtes per e 63 contra e declara solemnament lo començament de creacion d’un estat catalan independent jos forma de republica. Lo Parlament se declara sobeiran e se somet pas a las leis espanhòlas, especialament, al Tribunal Constitucional espanhòl. Se proclamava tanben la dobertura d’un procès constituent ciutadan, participatiu, dobèrt e integrant per preparar la futura constitucion. E se demanda al govèrn catalan venent de transformar en realitat aquela declaracion. Lo tèxt concretiza tanplan la creacion de las leis constituentas, de la seguretat sociala e del tresaur public dins trenta jorns e una seguida de mesuras socialas.
De son costat, la vicepresidenta del govèrn de la Generalitat de Catalonha, Neus Munté, a afirmat en puèi que la resolucion del Parlament se manten “inalterabla” e que la decision del Tribunal Constitucional n’“arrèsta pas los efièches, que son politics”. “Cap de senténcia arrestarà pas lo mandat democratic eissit de las urnas”, çò apondèt Munté.
La resolucion del parlament de Catalonha e Aran, que la cort espanhòla ven de l’anullar, s’èra aprovada lo 9 de novembre passat per majoritat absoluda amb 72 vòtes per e 63 contra e declara solemnament lo començament de creacion d’un estat catalan independent jos forma de republica. Lo Parlament se declara sobeiran e se somet pas a las leis espanhòlas, especialament, al Tribunal Constitucional espanhòl. Se proclamava tanben la dobertura d’un procès constituent ciutadan, participatiu, dobèrt e integrant per preparar la futura constitucion. E se demanda al govèrn catalan venent de transformar en realitat aquela declaracion. Lo tèxt concretiza tanplan la creacion de las leis constituentas, de la seguretat sociala e del tresaur public dins trenta jorns e una seguida de mesuras socialas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Dels comptes de l'Estat espanyol qu'ha presentat lo pp, manca lo 30% ,que es la quantitat que deixaren als bancs privats (sos amic),e que han pas tornat.
#3 La Delga me'n fisi pas, que rebala los iperjacobins del PRG darrèr ela. Cal esperar qu'Onesta pòsca pesar pel 2nd torn senon començarem per aver un nom administratiu de l'estil "Cuol de França".
#2 Es a regretar efectivament d'esparpalhament dels candidats occitanistas, aquò contibuis pas a donar de credibilitat a l'occitanisme politic. Vene de reçaupre las professions de fe de las diferentas listas, la sola ont i aje un brial d'occitan es la lista del ex-Fn J.C. Martinez . Ai pas plan legit mes dins lo papafard ont i a lo logò del PNO, i a pas res de relatiu a la lenga nòstra. Mentre que Carole Delga e Gerard Onesta o marcan clarament dins lors proposicions. I a benlèu quicòm que truca, non ?
Òsca als catalanistas al poder a Barcelona.
Son pas coma una grand part dels occitanistas de l'estat francés que preferisson coma lo Partit Occitan participar a la recompausicion de l'esquèrra" francista (Verdalha e/o Melanchonistas) puslèu que de contituir un Front Democratic Occitan clarament non sucursalista.
Après las eleccions regionalas que seràn desastrosas per l'occitanisme, aurem besonh d'una mena de "Junts pel si" occitana ...
Òsca a Catalonha e Aran de téner cap.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari