Actualitats
L’estat francés a derogat a la Convencion Europèa dels Dreches Umans
Se daissa la pòrta dobèrta a la repression de las idèas de tota sòrta
L’estat francés a decidit de supendre pendent los tres meses de l’estat d’emergéncia son adesion a la Convencion Europèa per la Proteccion dels Dreches Umans e de las Libertats Fondamentalas. O a fach en tot mandar una comunicacion oficiala al secretari general de la Cort Europèa dels Dreches Umans, Thorbjørn Jagland, çò raporta Geopolítica.cat; e o confirma Le Monde.
La Convencion que França ven de suspendre se signèt a Roma en 1950 e en 2009, amb lo Tractat de Lisbona, venguèt inalienabla per totes los païses europèus. Lo tèxt establís que totes los ciutadans an drech de sollicitar la Cort Europèa dels Dreches Umans e de denonciar las violacions comesas pels estats. Aquel drech, ara los ciutadans de la Republica Francesa l’an perdut, e mai se la tòca de la Convencion èra justament de garentir lo drech a la justícia, quitament en de situacions similiaras a las qu’afronta ara l’estat francés.
“La decision del govèrn francés es fòrça mai grèva que çò que pòt semblar”, çò alèrta Geopolítica.cat. Se tracta d’una vulneracion dels dreches individuals de totes los ciutadans jos pretèxt de la “guèrra al terrorisme”, e daissa la pòrta dobèrta a la repression de las idèas de tota sòrta. Dins aquel sens, lo nòu president del Tribunal d’Estrasborg, Guido Raimondi, fasiá un avertiment e condemnava la tortura quitament contra los terroristas. Sens los dreches umans e las libertats fondamentalas, i a pas de diferéncia entre un estat democratic e lo terrorisme que pretend combatre.
La Convencion que França ven de suspendre se signèt a Roma en 1950 e en 2009, amb lo Tractat de Lisbona, venguèt inalienabla per totes los païses europèus. Lo tèxt establís que totes los ciutadans an drech de sollicitar la Cort Europèa dels Dreches Umans e de denonciar las violacions comesas pels estats. Aquel drech, ara los ciutadans de la Republica Francesa l’an perdut, e mai se la tòca de la Convencion èra justament de garentir lo drech a la justícia, quitament en de situacions similiaras a las qu’afronta ara l’estat francés.
“La decision del govèrn francés es fòrça mai grèva que çò que pòt semblar”, çò alèrta Geopolítica.cat. Se tracta d’una vulneracion dels dreches individuals de totes los ciutadans jos pretèxt de la “guèrra al terrorisme”, e daissa la pòrta dobèrta a la repression de las idèas de tota sòrta. Dins aquel sens, lo nòu president del Tribunal d’Estrasborg, Guido Raimondi, fasiá un avertiment e condemnava la tortura quitament contra los terroristas. Sens los dreches umans e las libertats fondamentalas, i a pas de diferéncia entre un estat democratic e lo terrorisme que pretend combatre.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo govern de Valls ha de far una política progressirta e pas de merder de los eeuu.
França a pas jamai aderit al dreit fondamental dels pòbles a dispausar de se meteis : res de nòu jol solelh…
Se farà pas de publicitat sus aiçò. Mai tardi, l'istòria oficiala escriurà qu'èra pas ver o qu'èra per de rasons justas. E lo monde oblidarà. Poiriment de la situacion... coma per l'occitan?
#2 "nòs deputats" ? " nòstres deputats" puslèu, non ?
Que fan nòs deputats. Lèvaran pas lo petit det?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari