Actualitats
Tolosa: Marcèu Amont protagoniza lo 9n anniversari de l’Ostal d’Occitània
Claudi Martí, Claudi Sicre, Sentimental Trumpet, Les Mâles au Chœur de Tolosa, los Riga-Raga, las Mondinas e plan d’autres acompanharàn la serada
Dissabte que ven, 12 de decembre, l’Ostal d’Occitània de Tolosa festejarà lo 9n anniversari. Per aquel eveniment, Marcèu Amont serà en cap d’aficha, entornejat de sos nombroses convidats: Claudi Martí, Claudi Sicre, Sentimental Trumpet, Les Mâles au Chœur de Tolosa, los Riga-Raga, las Mondinas e plan d’autres.
L’espectacle començarà a 14h. Se tendrà dins un capitèl calfat implantat dins una cort de l’ostal. L’intrada es liura mas lo nombre de plaças es limitat.
Un espaci dedicat a la cultura occitana
L’Ostal d’Occitània de Tolosa es un espaci dedicat a la creacion e al raionament de la cultura e de la lenga occitanas. Aquel luòc de bona convivéncia, d’animacion e de creacion compren un espaci scenic, una estructura d’aculhença e d’informacion del public, d’espacis de mòstras, una botiga e de salas de rescontres. Una de las caracteristicas de l’Ostal es que se tracta de dos bastiments classats “monuments istorics”, dins lo quartièr Esquiròl del centre de Tolosa: l’Ostal de Boisson (un ostal capitular d’estil Renaissença) e l’Ostal de Cheverrí (que son extension es del sègle XVIII).
Marcèu Amont
Marcèu Amont es lo nom d’empont del cantaire e actor bearnés Marcèu Miramont, que coneguèt la celebritat dins l’estat francés dins los ans 1950 e 1960. Nascut e installat a Bordèu, vivent al sen d’una familha de la Val d’Aspa (Vath d’Aspa), Amont coneguèt lo succès a París coma actor, en 1953, dins la tropa de Jean Nojain. Puèi aguèt de succès tanben coma cantaire dins lo music hall parisenc, a partir de 1954, dins l’espectacle d’Edith Piaf. Long de sa granda carrièra artistica en francés, a enregistrat de disques en occitan, e mai a escrich de libres sus la gasconitat de la musica bearnesa.
L’espectacle començarà a 14h. Se tendrà dins un capitèl calfat implantat dins una cort de l’ostal. L’intrada es liura mas lo nombre de plaças es limitat.
Un espaci dedicat a la cultura occitana
L’Ostal d’Occitània de Tolosa es un espaci dedicat a la creacion e al raionament de la cultura e de la lenga occitanas. Aquel luòc de bona convivéncia, d’animacion e de creacion compren un espaci scenic, una estructura d’aculhença e d’informacion del public, d’espacis de mòstras, una botiga e de salas de rescontres. Una de las caracteristicas de l’Ostal es que se tracta de dos bastiments classats “monuments istorics”, dins lo quartièr Esquiròl del centre de Tolosa: l’Ostal de Boisson (un ostal capitular d’estil Renaissença) e l’Ostal de Cheverrí (que son extension es del sègle XVIII).
Marcèu Amont
Marcèu Amont es lo nom d’empont del cantaire e actor bearnés Marcèu Miramont, que coneguèt la celebritat dins l’estat francés dins los ans 1950 e 1960. Nascut e installat a Bordèu, vivent al sen d’una familha de la Val d’Aspa (Vath d’Aspa), Amont coneguèt lo succès a París coma actor, en 1953, dins la tropa de Jean Nojain. Puèi aguèt de succès tanben coma cantaire dins lo music hall parisenc, a partir de 1954, dins l’espectacle d’Edith Piaf. Long de sa granda carrièra artistica en francés, a enregistrat de disques en occitan, e mai a escrich de libres sus la gasconitat de la musica bearnesa.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Quan anerem a la polida vila de Tolosa, visitarem l'Ostal d'Occitània, impressionant bastiment amb una torre capitular (que cresi que atal li disets). Mos trobarem amb una persona a la recepcion plan agradabla que mos recebet, e mos mostrà l'ostal, hi havia d'assatjos d'un cor que cantavon, fins e tot lo nostre gentil acompanhaire avisset al director del cor per nos saludar. Parlava un occitan molt clar e entenedor. Mos agradà molt aquela agradabla visita.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari