Lo president d’Islàndia a fach una vesita oficiala en Quebèc al començament de decembre. Dins una conferéncia de premsa facha al sèti del govèrn, Ólafur Ragnar Grímsson defendèt que l’independéncia dels païses “pòt pas jamai èsser vista coma un afar negatiu” e defendèt lo drech dels pòbles de defendre lor avenidor sens cap de limit. Lo president islandés remarquèt que l’independéncia es pas una formalitat mas l’expression de la volontat d’un pòble.
 
Islàndia es tradicionalament un país fòrça dobèrt a reconéisser l’independéncia dels nòus païses e, aital, foguèt lo primièr que reconeguèt l’independéncia de Lituània, segon çò que rapòrta Vilaweb.