Actualitats
Valls fa una crida a votar per la drecha dins las regions ont pòsca ganhar lo Front Nacional
Fan un front de las esquèrras en Lengadòc-Rosselhon e Miègjorn-Pirenèus per empedir un govèrn regional ultradrechista
Lo primièr ministre francés, Manuel Valls, membre del Partit Socialista (PS), a demandat als electors de votar per los candidats dels partits de drecha e de centredrecha (LR amb lo Modèm) dins aquelas circonscripcions electoralas ont pòsca ganhar lo partit ultradrechista Front Nacional. Amb aquelas declaracions fachas sus TF1, Valls desautoriza lo candidat socialista de la region Alsàcia-Lorena-Champanha-Ardena, Jean-Pierre Masseret, que refusa de retirar sa candidatura, e mai se la direccion del PS o li demanda. Valls considèra que Masseret a pauc de possibilitats pr’amor que la majoritat dels primièrs cònsols socialistas de la region demandaràn lo vòte per la drecha de Sarkozy per tal d’ensajar d’arrestar lo partit ultradrechista dels Le Pen. Mas Masseret considèra que lo melhor biais de combatre lo Front Nacional es en avent d’elegits dins lo conselh regional.
Dins doas autras regions ont los socialistas son en tresena posicion, los candidats del PS se son retirats del segond torn, dont en Provença, ont lo partit xenofòb a obtengut mai del 40% dels vòtes.
Front de las esquèrras en Lengadòc-Rosselhon e Miègjorn-Pirenèus
De lor costat, los dirigents del partit LR de Sarkozy an decidit, gaireben a l’unanimitat, de far lo “ni-ni”, çò es: ni se vòlon retirar, ni vòlon fusionar amb cap d’autra fòrça pel segond torn. Dins los cases que son demorats en tresena posicion, los d’LR pensan pas de se retirar de la corsa electorala, ni solament dins la macroregion de Lengadòc-Rosselhon e Miègjorn-Pirenèus, ont lo conservador Dominique Reynié demorèt tresen amb un 18,84% dels vòtes, darrièr Louis Aliot de l’FN, que demorèt primièr amb un 31,83% dels vòtes, e darrièr la socialista Carole Delga, amb un 24,41% dels vòtes.
De son costat, Delga a fach un pache electoral amb lo candidat de Mond Novèl, Gérard Onesta, per afrontar e superar Aliot. La lista portarà lo nom de “Nòstre Sud en Comun”, e integrarà de candidats d’autra formacions d’esquèrra e de gents de la societat civila. Es un nom de lista un pauc malescasut se prenèm en compte que lo quite Onesta es pas partisan de definir lo país “en foncion del nòrd”. “Nos devèm pas definir en foncion dels autres”, çò aviá declarat lo cap ecologista a Barcelona TV
Dins doas autras regions ont los socialistas son en tresena posicion, los candidats del PS se son retirats del segond torn, dont en Provença, ont lo partit xenofòb a obtengut mai del 40% dels vòtes.
Front de las esquèrras en Lengadòc-Rosselhon e Miègjorn-Pirenèus
De lor costat, los dirigents del partit LR de Sarkozy an decidit, gaireben a l’unanimitat, de far lo “ni-ni”, çò es: ni se vòlon retirar, ni vòlon fusionar amb cap d’autra fòrça pel segond torn. Dins los cases que son demorats en tresena posicion, los d’LR pensan pas de se retirar de la corsa electorala, ni solament dins la macroregion de Lengadòc-Rosselhon e Miègjorn-Pirenèus, ont lo conservador Dominique Reynié demorèt tresen amb un 18,84% dels vòtes, darrièr Louis Aliot de l’FN, que demorèt primièr amb un 31,83% dels vòtes, e darrièr la socialista Carole Delga, amb un 24,41% dels vòtes.
De son costat, Delga a fach un pache electoral amb lo candidat de Mond Novèl, Gérard Onesta, per afrontar e superar Aliot. La lista portarà lo nom de “Nòstre Sud en Comun”, e integrarà de candidats d’autra formacions d’esquèrra e de gents de la societat civila. Es un nom de lista un pauc malescasut se prenèm en compte que lo quite Onesta es pas partisan de definir lo país “en foncion del nòrd”. “Nos devèm pas definir en foncion dels autres”, çò aviá declarat lo cap ecologista a Barcelona TV
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
N'Ernèst a las ideas claras, e lo coratge de las dire. Parlant de mon fraire nacional Valls, cresi que hauria de far que l'estat, reconegués la lenga catalana e occitana e totas les altres, ratificàs la carta de las lengas minoritàrias, posas las tv regionalas amb sas lengas respectivas,e que son govern fes una política de l'estat del benestar de la populacion. E digués que lo votassen a el, segur que aturarian a aquesta colha de racistas fachas. E son partit pujaria e hi anirien totes los vots. Demostra que tens colhons Manelet !
Valls fa una crida a votar per la drecha dins las regions ont pòsca ganhar lo Front Nacional. E òc, comprenètz ? Se passa lo Front dit "nacional" (es a dire colonial), serèm a las pòrtas de la dictatura de dreita !!!! Òu, ministròt, despèrtat-te ! La dictatura de dreita es ja aquí dempèi tres ans al mens ! De pròbas ? Aquí de vòls, aquí n'as ! Per l'Exagòn, avèm votat a esquèrra. E los elegits "desquèrra" nos an servit de refòrmas sempre mai a dreita, segon lo solet anar autorizat per Euròpa. E adara, qué ? Votam a dreita, avèm la dreita. Votam a esquèrra, avèm tanben la dreita. Ont es la causida. I cambiarà pas grand causa, lo front colonial francés (FN). E defòra de sas desparlejadas racistas, i cambiarà pas res per res. Sèm ja jos un regim dictatorial de dreita.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari