Dempuish gèr matin, los emplegats de Tisséo son en cauma per s'opausar a la decision de la direccion de limitar las revalorizacions salarialas a 2%.
Au contrari de çò anonciat per la direccion de l'establissament public Tisséo, los sendicats (SUD, CGT, FO, CFDT) denoncian la mauescaduda de las negociacions entamiadas au mes de heurèr entre sendicats e direccion. Lo punt d'opausicion pòrta sus la limitacion per la direccion de las revalorizacions salarialas a un maximum de 2% per an, quand los sendicats bremban que l'inflacion depassa berament aqueths 2%.
50% d'emplegats segon la direccion e 80% segon los sendicats seguissen lo movement. A 13h20 aqueth dimars, lo siti web de l'establissament public declarava l'abséncia de servici bus e lo blocatge deus dus depaus, atau com perturbacions suu hialat de tramvias.
Pèir-Joan Masdiset
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
E continua deman!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari