Actualitats
Unitat dels sobeiranistas còrses per ensajar de ganhar lo segond torn de las eleccions
Femu a Corsica foguèt la segonda fòrça mai votada dins lo primièr torn de dimenge
Las doas principalas listas electoralas nacionalistas còrsas an anonciat que s’unisson fàcia al segond torn de las eleccions territorialas, que serà dimenge 13. Femu a Corsica (Fagam Corsega) e Corsica Libera (Corsega Liura) faguèron dimars passat un comunicat e una conferéncia de premsa en anonciant la decision e la creacion d’una nòva aliança: Pè a Corsica (Per Corsega).
Dins lo primièr torn, dimenge passat, Femu a Corsica, la lista nacionalista non independentista, atenguèt lo 17,62% dels vòtes. Demorèt segonda, solament a un milièr de vòtes de la candidatura de centresquèrra de Paul Giacobbi, lo president del Conselh Executiu (lo govèrn de Corsega). De son costat, Corsica Libera, la lista dels independentistas, obtenguèt lo 7,72% dels vòtes.
Pel segond torn, Corsica Libera a acceptat que la nòva candidatura demande pas dirèctament l’independéncia mas que se presente coma l’oportunitat del sobeiranisme e per un govèrn que pòsca gerir l’illa.
Dins lo primièr torn, dimenge passat, Femu a Corsica, la lista nacionalista non independentista, atenguèt lo 17,62% dels vòtes. Demorèt segonda, solament a un milièr de vòtes de la candidatura de centresquèrra de Paul Giacobbi, lo president del Conselh Executiu (lo govèrn de Corsega). De son costat, Corsica Libera, la lista dels independentistas, obtenguèt lo 7,72% dels vòtes.
Pel segond torn, Corsica Libera a acceptat que la nòva candidatura demande pas dirèctament l’independéncia mas que se presente coma l’oportunitat del sobeiranisme e per un govèrn que pòsca gerir l’illa.
| fffff | fffff | |
| Front de las esquèrras en Lengadòc-Rosselhon e Miègjorn-Pirenèus De lor costat, los dirigents del partit LR de Sarkozy an decidit, gaireben a l’unanimitat, de far lo “ni-ni”, çò es: ni se vòlon retirar, ni vòlon fusionar amb cap d’autra fòrça pel segond torn. Dins los cases que son demorats en tresena posicion, los d’LR pensan pas de se retirar de la corsa electorala, ni solament dins la macroregion de Lengadòc-Rosselhon e Miègjorn-Pirenèus, ont lo conservador Dominique Reynié demorèt tresen amb un 18,84% dels vòtes, darrièr Louis Aliot de l’FN, que demorèt primièr amb un 31,83% dels vòtes, e darrièr la socialista Carole Delga, amb un 24,41% dels vòtes. De son costat, Delga a fach un pache electoral amb lo candidat de Mond Novèl, Gérard Onesta, per afrontar e superar Aliot. La lista portarà lo nom de “Nòstre Sud en Comun”, e integrarà de candidats d’autra formacions d’esquèrra e de gents de la societat civila. Es un nom de lista un pauc malescasut se prenèm en compte que lo quite Onesta es pas partisan de definir lo país “en foncion del nòrd”. “Nos devèm pas definir en foncion dels autres”, çò aviá declarat lo cap ecologista a Barcelona TV  | ||
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
En Corsega, la candidatura arribada en tèsta es pas una lista PS mai una lista DVG ; son cap, Paul Giacobi, es mai ò mens liat au PRG (subretot mens a l'ora d'ara). La lista PS es eliminada.
perqué lo vòta FN es insignificant en Corsega ? an aquela question que li responderiatz pas au jornalet per faire lume, ieu, Savonarole, l'ira de Dieu emplegarai doas formulas-choc que resumisson doas opinions que lo ciutadan que s'esconde sota aquel escais-nom partaja pas :" la lucha armada dau pòble corse per son independéncia" e lo "caractère xenofòb e islamofòb dau pòble de l'illa de bèutat" en d'autres tèrmes, lei radicaus maugrabens islamistas o pas, se tenon à carrèu perqué sabon que contrariament à ço que se passa sus lo "continent" riscan gròs dins un pais onte leis armas a fuòc parton facilament e que lo pòble corse, quenta que siá sei conviccions politicas, apròva aquela retenguda forçada de la minoritat allogèna de son illa.
#1
Un còp de mai lo Partit de la Nacion Occitana avian plan rason de se voler pas embarcar dab Onesta e los ultrà nacionalistas franceses del Parti d'gôôôch'.
http://lo.lugarn-pno.over-blog.org/2015/12/regionales-deuxieme-tour-le-p-n-o-ne-donne-pas-de-consignes-de-vote.html
Lo Partit Occitan se son fach colhonar e se lo son plan cercat ... que se vengan pas plànher.
Per las departamentalas de març de 2015, los del POC assassinèron la dinamica Bastir.
Son passats de l'estrategia Bastir
"Fagam l'union ! sèm totes amics çò que nos recampa es mai fòrt que çò que nos dessepara" a "Occitanistas doncas d'esquèrra"
(dixit David Grosclaude que disèva exactament lo contrari entre 2011 e 2014)
Lo 6 de decembre de 2015, i a plan d'occitanistas que votèron amb lors pès
- En se desplaçar pas
- En se desplaçar per votar blanc o nul
E ben ara o pagan ... avian 5 elegits n'auràn pas mai.
be oc, ne vam sustot pas parlar de las eleccions en occitània. deus enjòcs, de las fòrças, de las competéncias, deus candidats... son pas subjèctes intéressants ende conscientizar los occitans que som una nacion, o au mensh que podem aver un futur amassa. milhor parlar de la còrsa.
A maugrat de nòstas demandas, la causida de Dauna Delga de cap au nom de la region es pas clara. Guy David disèva que la candidata "volèva pas un nom geografic", çò qu'es curiós per una entitat geografica. Mantuns an paur d'un "Nòste Sud".
Es possible que la causida deu nom de region se hasca en dehòra deu vòt deu public de véser lo mot "Occitània", associat o pas a un aute mot. Quites non-occitanistas tròban lo nom polit e identificader aisidament. Aquò seré, solide, una negacion de democracia.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari