Actualitats
Arabia Saudita: per lo primièr còp se permet a las femnas de votar
Contunhan totun las autras discriminacions contra las femnas dins lo país mai conservator del Mond
Se debanan uèi d’eleccions municipalas en Arabia Saudita que, per lo primièr còp, i poiràn votar las femnas. Aquel reialme ultraconservator èra un dels darrièrs estats de la planeta amb aquela discriminacion abolida dins la majoritat dels païses fa de decennis.
Al total se presenta aperaquí 900 candidats per de conselhs locals qu’an d’atribucions fòrça limitadas, plan inferioras a las d’una comuna de l’Union Europèa. Lo fach que las femnas pòscan votar uèi a las localas vòl pas dire forçadament que poiràn votar dins d’autras convocacions electoralas, e mai d’un grop de femnas an criticat aquel fach en disent que fa partida d’una campanha de relacions publicas per ensajar de melhorar l’imatge extremista del país.
Las autras discriminacions contra las femnas se mantenon, coma l’enebicion de menar de veituras, l’obligacion de viatjar totjorn acompanhadas d’un òme o l’interdiccion de crear d’entrepresas. Pasmens, los grops de femnas tanplan an saludat la mesura de uèi coma la trencadura d’un tabó que demorava dempuèi plan longtemps.
Al total se presenta aperaquí 900 candidats per de conselhs locals qu’an d’atribucions fòrça limitadas, plan inferioras a las d’una comuna de l’Union Europèa. Lo fach que las femnas pòscan votar uèi a las localas vòl pas dire forçadament que poiràn votar dins d’autras convocacions electoralas, e mai d’un grop de femnas an criticat aquel fach en disent que fa partida d’una campanha de relacions publicas per ensajar de melhorar l’imatge extremista del país.
Las autras discriminacions contra las femnas se mantenon, coma l’enebicion de menar de veituras, l’obligacion de viatjar totjorn acompanhadas d’un òme o l’interdiccion de crear d’entrepresas. Pasmens, los grops de femnas tanplan an saludat la mesura de uèi coma la trencadura d’un tabó que demorava dempuèi plan longtemps.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#11 Doas respostas : recebo los mails eau PNO e m'arriba d'intervenir sus lor forum, car emai en essent pas d'acordi amb elos, los respiecho (ço qu'es pas lo cas de partits franceses coma LR e FN, ni naturalament dels identitaris, occitans o non). Mas justament a liéger las opinions que s'expriman suu fial dau PNO, ai lo sentiment que los elements de gaucha o son sota una forma moderaa ; es aquo que volia dire ma formula au segon gras. Mas dobto pas que l'i aie de mond que se definisson coma nacionalistas mas amb un posicionament sus las questions de societat força mai a gaucha que lo PNO (la FACO, Federation Anarchiste communiste d'Occitanie, per ço que me soveno de lor prosa (pesotja) èran puèi pas tant nacionalistas qu'aquo).
-Suu fons, creio ben d'estre pas jamai estat tentat per un nacionalisme occitan, exceptat benlèu quand avio setge o detz e set ans, sens saber qu'existava un partit nacionalista occitan, naturalament : èra una reaccion tripala, liaa au sentiment de viure dins una pais de m..., sentiment que me torna d'aqui enter aqui, mas sens me menar tant luenh que dins las annaas 60. Sio pas nacionalista perqué veio pas l'interés de bastir un quauque ren que s'ispiraria en darriera analisi, e paradoxalament dau modèl francés.
E encara mai fondamentalament, creio pas que l'i aie de nacions, francesa o non, l'i a que d'ideologias nacionalas qu'an, o pas, un sosten en societat. Me permeto de dire aquo qu'en essent pus president de la FELCO, poio parlar mai librament.
#9 "Tant val admetre que l'i a un nacionalisme occitan clarament d drecha, e un autre que l'es mens." => Donc, Felip Martèl, semblas de dire qu'un nacionalisme occitan d'esquèrra pòt pas existir? E que fas de la concepcion lafontiana de la nacion primària? E que fas de Libertat? E que fas d'Iniciativa per Occitània? E que fas de l'anciana FACO? E que fas de l'ancian CRÒC? E que fas de l'ancian PNO quand èra encara un partit marxista? Felip Martèl, tu que siás istorian, me diguèsses pas qu'o sabiás pas...
#9 Lo nacionalisme es jamai estat un movement unic ideologicament e pertoquèt totjorn l'ensemble del spectre politic, la Comuna de Paris èra nacionalista, mai tard l'accion francesa, çaquela èra pas brica lo meteis contengut. Valls e Lepen son nacionalistas e pasmens dison pas la meteissa causa.
Vesi pas perqué i auriá una excepcion per lo movement occitan.
A mai l'antinacionalisme el tanben es pas un e privilegiat per la gaucha. I un antinacionalisme liberal e capitalista... Nacionalisme es un tèrme larg, ambigu e multiple, çò d'important es çò que ne fasem.
#6 Chau creire que l'i a mai d'un nacionalisme occitan, car los dos que se son exprimats son pas quau que sieie au PNO, non ? Tant val admetre que l'i a un nacionalisme occitan clarament d drecha, e un autre que l'es mens. Mas es als nacionalistas occitans de se despatolhar amb aquela contradiction.
A mon Sèrgi... Mas d'ente te ven tot aqueste òdi contre los musulmans... t'embestiavan dins lo cort de l'escòla quand èras joine? Per l'amor de Diu, taisa-te!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari