Actualitats
Los ultracatolics arrèstan la difusion de La vie d’Adèle
La justícia francesa blòca la difusion del filme ganhant de la Palma d’Aur en seguida de la denóncia de l’associacion Promouvoir
La justícia francesa a arrestat la difusion del filme La vie d’Adèle (La vida d’Adèla), ganhant de la Palma d’Aur al Festenal de Canas (Vencenc) en 2013, en seguida de la denóncia facha per l’associacion ultracatolica Promouvoir, segon çò que rapòrta France TV Info. La cort administrativa d’apelacion de París a anullat lo visat d’esplecha e a donat dos meses a la ministra de la cultura francesa, Fleur Pellerin. La cort estima que La vie d’Adèle compòrta “plusors scènas de sèxe presentadas de faiçon realista, en gròs plan”, que son “de natura a ferir la sensibilitat del public jove”.
Ara lo filme es blocat sus totes los supòrts de difusion a la television, en vidèo a la demanda, en DVD... La quita projeccion dins ua sala de cinèma, dins lo quadre d’un festenal o d’una retrospectiva, es tanplan enebida.
Lo Ministèri de la Cultura francés a anonciat son intencion d’introduire un recors davant lo Conselh d’Estat. Pasmens, France TV remarca que l’associacion extremista catolica qu’a fach sa denóncia en justícia a enregistrat d’autras victòrias davant lo Conselh d’Estat, coma per exemple l’enebicion als menors de mens de 18 ans del filme Baise-moi de Virginie Despentes, en 2000. L’associacion Promouvoir s’apièja sus un article del Còde del Cinèma e de l’Imatge Animat qu’estipula que tot filme que “compòrta de scènas de sèxe non simuladas o de plans granda violéncia” deu èsser enebit als menors de mens de 18 ans. Es una definicion pro larga que daissa una plaça granda a l’interpretacion dels jutges.
Lo filme del director occitan e tunisian Abd Al Atif Kashish (o Abdellatif Kechiche segon la transcripcion francesa) conten de longas scènas de sèxe explicit entre Léa Seydoux e Adèle Exarchopoulos, e a descadenat de protèstas furiosas e violentas de la glèisa catolica e de l’ultradrecha.
Ara lo filme es blocat sus totes los supòrts de difusion a la television, en vidèo a la demanda, en DVD... La quita projeccion dins ua sala de cinèma, dins lo quadre d’un festenal o d’una retrospectiva, es tanplan enebida.
Lo Ministèri de la Cultura francés a anonciat son intencion d’introduire un recors davant lo Conselh d’Estat. Pasmens, France TV remarca que l’associacion extremista catolica qu’a fach sa denóncia en justícia a enregistrat d’autras victòrias davant lo Conselh d’Estat, coma per exemple l’enebicion als menors de mens de 18 ans del filme Baise-moi de Virginie Despentes, en 2000. L’associacion Promouvoir s’apièja sus un article del Còde del Cinèma e de l’Imatge Animat qu’estipula que tot filme que “compòrta de scènas de sèxe non simuladas o de plans granda violéncia” deu èsser enebit als menors de mens de 18 ans. Es una definicion pro larga que daissa una plaça granda a l’interpretacion dels jutges.
Lo filme del director occitan e tunisian Abd Al Atif Kashish (o Abdellatif Kechiche segon la transcripcion francesa) conten de longas scènas de sèxe explicit entre Léa Seydoux e Adèle Exarchopoulos, e a descadenat de protèstas furiosas e violentas de la glèisa catolica e de l’ultradrecha.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Valiá mai. Disi aquó pels meus tanben.
An desaparegut los comentaris del jorn jos aquel article, perqué ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari