Actualitats
Primièr acòrdi mondial per arrestar lo cambiament climatic
Los 195 païses participants a la CÒP21 an signat un tèxt per arrestar l’escalfament global a un maxim de 2 gras Cèlsius, revisable cada 5 ans
Après doas setmanas de reünion, La Cima del Clima de l’ÒNU (CÒP21) a obtengut lo primièr acòrdi de l’istòria contra lo cambiament climatic, coma o rapòrta Reporterre. O anoncièt arser lo president de la reünion e ministre dels afars estrangièrs francés, Laurent Fabius, après que los 195 païses n’aguèsson acceptat las condicions. Aquel pache fixa un limit a las emissions de gases d’efièch de sèrra e establís un sistèma de finançament per que los païses amb mens de ressorsas se pòscan adaptar als efièches del cambiament climatic. Un autre dels ponches principals de l’acòrdi es l’engatjament de totas las economias mondialas a evitar que la temperatura de la planeta aumente mai que de 2 gras Cèlsius e far un esfòrç per la limitar a 1,5 gra. “Sèm gaireben a la fin del camin”, çò diguèt Fabius.
Calguèt esperar qualques oras de mai per arribar a l’acòrdi, que deviá èsser pres a l’unanimitat. Fin finala s’acceptèt un cambiament petit mas significatiu postulat pels Estats Units: dins la frasa seguenta, “los païses desvolopats devon mostrar la via de seguir en assumissent d’objectius de reduccions d’emissions”, lo vèrb “devon” es cambiat per “deurián”.
De lor costat, los 134 païses en desvolopament e emergents, dont China e Índia, qu’avián semblat mai reticents a un acòrdi, se mostrèron “totes ensems” e “contents de rintrar a l’ostal amb aquel tèxt”, segon çò que declarèt a l’AFP l’ambaissadora sud-africana, Nozipho Mxakato-Diseko, pòrtavotz d’aquel grop de païses. Libération publica un retrach d’aquela femna que representa l’80% de l’umanitat.
De protèstas
Mentretant, per carrièras a París, divèrsas manifestacions mostrèron ièr lor refús d’aquel acòrdi, que los collectius ecologistas lo considèran insufisent. Malgrat l’enebicion de las autoritats e l’estat d’emergéncia, d’activistas abilhats de roge amb de parapluèjas negres fasián una linha de dos quilomètres. I aguèt tanplan doas autras manifestacions.
Puèi de milièrs de personas s’acampèron a l’entorn de la Tor Eiffel dins una nòva protèsta contra lo cambiament climatic.
Calguèt esperar qualques oras de mai per arribar a l’acòrdi, que deviá èsser pres a l’unanimitat. Fin finala s’acceptèt un cambiament petit mas significatiu postulat pels Estats Units: dins la frasa seguenta, “los païses desvolopats devon mostrar la via de seguir en assumissent d’objectius de reduccions d’emissions”, lo vèrb “devon” es cambiat per “deurián”.
De lor costat, los 134 païses en desvolopament e emergents, dont China e Índia, qu’avián semblat mai reticents a un acòrdi, se mostrèron “totes ensems” e “contents de rintrar a l’ostal amb aquel tèxt”, segon çò que declarèt a l’AFP l’ambaissadora sud-africana, Nozipho Mxakato-Diseko, pòrtavotz d’aquel grop de païses. Libération publica un retrach d’aquela femna que representa l’80% de l’umanitat.
De protèstas
Mentretant, per carrièras a París, divèrsas manifestacions mostrèron ièr lor refús d’aquel acòrdi, que los collectius ecologistas lo considèran insufisent. Malgrat l’enebicion de las autoritats e l’estat d’emergéncia, d’activistas abilhats de roge amb de parapluèjas negres fasián una linha de dos quilomètres. I aguèt tanplan doas autras manifestacions.
Puèi de milièrs de personas s’acampèron a l’entorn de la Tor Eiffel dins una nòva protèsta contra lo cambiament climatic.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
An lo violon en man. Lo saupran tocar? On sabon pas qu'i pissar dedins?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari