Actualitats
Carole Delga a anonciat un referendum per causir lo nom de la megaregion occitanocatalana
La decision finala es en mans del Conselh d’Estat de l’estat francés
La futura presidenta de la region de Lengadòc-Rosselhon-Miègjorn-Pirenèus, interrogada per qualques mèdias sul nom definitiu de la region, declarèt diluns passat: “[Ai] pas cap de preferéncia pel nom. Seràn los abitants de la region que ne decidiràn via una consultacion publica: jos mon governament, vòli mai de participacion dels ciutadans. Cridi cada abitant a far sa part. Sèm dins lo collectiu!”, çò diguèt.
Los ciutadans se reconeisson occitans
Al delà d’un collòqui que se debanèt a Tolosa en abril passat, los principals jornals locals faguèron un sondatge per Internet entre lo 7 e lo 28 de setembre. Los sits de L’Indépendant, Centre Presse Aveyron, La Dépêche du Midi, Midi Libre e La Nouvelle République des Pyrénées prepausèron als legeires 13 noms, dont lo mond causiguèron majoritàriament “Occitània” amb lo 23% dels aperaquí 200 000 vòtes. En segonda posicion se trobava “Occitània-País Catalan” amb lo 20% dels vòtes, e seguisson las opcions “Lengadòc” amb lo 8% e Miègjorn-Lengadòc amb lo 7%.
Roux: “impausarem la decision ciutadana”
Cal remembrar que la decision finala serà presa pel Conselh d’Estat de l’estat francés, e mai s’un referendum regional oficial es, plan segur, una bona aisina per influir sus la decision finala s’òm vòl èsser democratic. Dins aquel sens, l’elegit occitanista Patric Roux aviá ja declarat a Barcelona TV: “impausarem al Conselh d’Estat la decision ciutadana”.
Los ciutadans se reconeisson occitans
Al delà d’un collòqui que se debanèt a Tolosa en abril passat, los principals jornals locals faguèron un sondatge per Internet entre lo 7 e lo 28 de setembre. Los sits de L’Indépendant, Centre Presse Aveyron, La Dépêche du Midi, Midi Libre e La Nouvelle République des Pyrénées prepausèron als legeires 13 noms, dont lo mond causiguèron majoritàriament “Occitània” amb lo 23% dels aperaquí 200 000 vòtes. En segonda posicion se trobava “Occitània-País Catalan” amb lo 20% dels vòtes, e seguisson las opcions “Lengadòc” amb lo 8% e Miègjorn-Lengadòc amb lo 7%.
Roux: “impausarem la decision ciutadana”
Cal remembrar que la decision finala serà presa pel Conselh d’Estat de l’estat francés, e mai s’un referendum regional oficial es, plan segur, una bona aisina per influir sus la decision finala s’òm vòl èsser democratic. Dins aquel sens, l’elegit occitanista Patric Roux aviá ja declarat a Barcelona TV: “impausarem al Conselh d’Estat la decision ciutadana”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Podèm considerar aquò peu costat que volèm, es una bona suspresa.
Purmèr pr'amor que, en democracia vertadèra "los ciutadans vòtan las leis" e doncas lo principi es bon, quitament se s'agís pas que deu nom de la region. Es una camada en dabans.
Après, i a pas besonh de romegar o de's pelejer mès, que seràn los sud-occitans (ooops) que decidaràn au-delà deu moviment occitanista, e las enquistas deus jornaus an muishat una enveja d'Occitània.
De mon costat, me regaudissi.
#8 Farem tot petar miladius !!!!!! e ¡ Viva la Revolución !
E ben ieu, demandi un referendum per n'acabar o pas amb l'austeritasrisme europèu e amb lo liberalisme bancari internacional… E se la majoritat es contra e que çaquelà res non càmbia, coneissè§tz la seguida de donar ?…
#6 A que non, ieu disi pas repotegar e pas mai romegar mas petonar o romar, serà donc Petonardia lo nom de causir o Romardia. Visca los petonaires e romaires. ;)
Òsca Pèire, l'as trapat lo nom que tot lo mond cèrcan. Planvenguts en Romèguia!
mas Romèguia-Pirenèus, Romèguia-País Catalan o Lengadòc-Romèguia? E se fasiam un referendum?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari