Actualitats
An inabilitat Sepp Blatter e Michel Platini per uèch ans
La Comission d’Etica de la FIFA es estada implacabla amb los dos principals dirigents del fotbòl mondial
La Comission d’Etica de la FIFA a decretat l’inabilitacion per uèch ans de son president Sepp Blatter e mai de Michel Platini, qu’es un dels sieus vicepresidents e qu’es lo president de l’UÈFA. Los dos dirigents del fotbòl èran inabilitats provisiòriament mentre que s’esclarzissiá un pagament de dos milions de francs soïsses non justificats de la FIFA a Platini en 2011. En mai d’aquò, s’es decretat una multa de 46 000 èuros per Blatter e de 74 000 per Platini.
E mai se los dos mandataris esportius an drech de s’apelar a la Cort d’Apelacion de la FIFA e tanben al Tribunal de l’Arbitratge de l’Espòrt, aquela suspension significa la fin de lors carrièras. Blatter a 79 ans e Platini se poirà pas presentar a las eleccions de la presidéncia de la FIFA, en març que ven, coma pretendiá el.
Procedura criminala contra Blatter
Lo 25 de setembre passat lo burèu del procuraire general de Soïssa aviá dobèrt una procedura penala contra Blatter, per “sospiècha de gestion desleiala e subsidiàriament abús de fisança”, segon çò que raportava dins un comunicat. Se metèt Blatter en examen per un contracte que signèt lo 12 de decembre de 2005 amb l’Union de Fotbòl de la Cariba. Aquel contracte foguèt economicament desfavorable per la FIFA, ja que se sospiècha que Blatter agiguèt contra los interèsses de l’organisme que presidís.
Tanben se metèt en examen un pagament de 2 milions de francs soïsses al president de l’UÈFA, Michel Platini, per un trabalh fach entre genièr de 1999 e en junh de 2002. L’argent se seriá tansferit al compte de Platini en 2011.
Qualques dirigents de la FIFA foguèron detenguts lo 27 de mai
Lo 27 de mai passat detenguèron a Zuric (Soïssa) qualques dirigents de la FIFA, en seguissent l’òrdre de la justícia estatsunidenca, que ne demandèt l’extradicion per los jutjar per presumida corrupcion. Son acusats de fraudariá, extorsion e emblanquiment d’argent pendent los darrièrs vint ans, tocant l’atribucion de las copas mondialas de fotbòl a certans païses e tocant los acòrdis de marqueting e dels dreches televisius. Demièg los detenguts i a un dels vicepresidents del comitat executiu de la FIFA, Jeffrey Webb, de las Illas Caiman; un autre vicepresident, Eugenio Figueredo, d’Uruguai; e l’èx-membre del comitat Jack Warner, de Trinitat e Tobago.
Justament l’endeman d’aquelas detencions se faguèt d’eleccions a la presidéncia de la FIFA, que Joseph Blatter i ganhèt la reeleccion. Mas en aquel moment Blatter demissionèt e demandèt de nòvas eleccions per elegir lo sieu successor. E donc, alara, Blatter se vegèt pas tocat dirèctament per aquela operacion.
E mai se los dos mandataris esportius an drech de s’apelar a la Cort d’Apelacion de la FIFA e tanben al Tribunal de l’Arbitratge de l’Espòrt, aquela suspension significa la fin de lors carrièras. Blatter a 79 ans e Platini se poirà pas presentar a las eleccions de la presidéncia de la FIFA, en març que ven, coma pretendiá el.
Procedura criminala contra Blatter
Lo 25 de setembre passat lo burèu del procuraire general de Soïssa aviá dobèrt una procedura penala contra Blatter, per “sospiècha de gestion desleiala e subsidiàriament abús de fisança”, segon çò que raportava dins un comunicat. Se metèt Blatter en examen per un contracte que signèt lo 12 de decembre de 2005 amb l’Union de Fotbòl de la Cariba. Aquel contracte foguèt economicament desfavorable per la FIFA, ja que se sospiècha que Blatter agiguèt contra los interèsses de l’organisme que presidís.
Tanben se metèt en examen un pagament de 2 milions de francs soïsses al president de l’UÈFA, Michel Platini, per un trabalh fach entre genièr de 1999 e en junh de 2002. L’argent se seriá tansferit al compte de Platini en 2011.
Qualques dirigents de la FIFA foguèron detenguts lo 27 de mai
Lo 27 de mai passat detenguèron a Zuric (Soïssa) qualques dirigents de la FIFA, en seguissent l’òrdre de la justícia estatsunidenca, que ne demandèt l’extradicion per los jutjar per presumida corrupcion. Son acusats de fraudariá, extorsion e emblanquiment d’argent pendent los darrièrs vint ans, tocant l’atribucion de las copas mondialas de fotbòl a certans païses e tocant los acòrdis de marqueting e dels dreches televisius. Demièg los detenguts i a un dels vicepresidents del comitat executiu de la FIFA, Jeffrey Webb, de las Illas Caiman; un autre vicepresident, Eugenio Figueredo, d’Uruguai; e l’èx-membre del comitat Jack Warner, de Trinitat e Tobago.
Justament l’endeman d’aquelas detencions se faguèt d’eleccions a la presidéncia de la FIFA, que Joseph Blatter i ganhèt la reeleccion. Mas en aquel moment Blatter demissionèt e demandèt de nòvas eleccions per elegir lo sieu successor. E donc, alara, Blatter se vegèt pas tocat dirèctament per aquela operacion.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Uèit ans, son que ? Perqué pas per sempre ?
#2 T'emmerdes pas a li far de comentaris.
Coma fa pas brica de ponctuacion sabèm pas quora sa frasa comencèt e ont s'acabarà. Deman ? Dins un comentari novèl ? Dins un mes ? Un an ? Qual sap ?
Aquel òme es un puzzle, la nòstra enigma. Tornar metre amassa los tròçes perduts un pauc pertot de sa paraula es la nòstra quista del sens de çò que vòl dire. Es lo nòstre "Da Vinci Code".
Per fòrça, me fa somiar. D'ont ven ? Qual es ? Qué vòl dire ? Pantaissi pichon a pichon, al fial de sos comentaris. N'en soi vengut a me demandar s'es pas una entitat completament numerica, facha sonque de responsas electricas, engabiada dins los ordenadors del Jornalet.com
@savonarole l'italian "multa" es un iberisme tanben ? ^^ Multa es de latin. ;)
per de qué l'iberisme multa quora avèm amenda e verbau en Provença qu'a un pauc vièlhit dempuèi qu'èra lo garda-campestra qu'empegava un braconier iletrat e li dreiçava un "procès-verbal" en escrivent e li fent part verbalament de ço qu'escriviá, d'aqui lo verbau de la societat tradicionala provençala e lo mot conven ben quand Platini, que saup legir e escriure, acepta sensa reguinhar dos milions d'euros pagat din din,ben que lo bruch que fan lei bilhetas de 500 EUROS en lei frustant siegue gaire audible, aqui vòc, lo mot verbau es obligatòri e se pòt dire, en aqueste periòde calendau que lei gents de la FIFA van a la grèpia sensa se far pregar
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari