Actualitats
Es arribat l’ivèrn, mas pas lo freg
Lo fenomèn d’El Niño a portat de temperaturas mai nautas que de costuma e fa preveire un ivèrn doç
L’ivèrn es oficialament arribat, mas amb un temps pas gaire ivernal. Lo solstici arriba uèi a 5h48 en fasent qu’aqueste dimars siá lo jorn mai cort de l’an (9 oras de solelh) e la nuèch mai longa (15 oras). A partir de uèi, las oras d’ensolelhament serián de mai en mai longas, fins a l’equinòcci de prima, quand lo jorn e la nuèch egalizaràn 12 oras cadun.
Un ivèrn plan mens freg
Dempuèi qualques jorns las temperaturas son mai nautas que de costuma. Es pas una exclusivitat occitana, aquò se passa sus tota la planeta. Vaicí lo factor climatic desestabilizant: es lo fenomèn d’El Niño (que vòl dire en espanhòl l’“Enfant”, sosentendut “l’Enfant Jèsus”, pr’amor qu’apareis a l’entorn de Nadal). Los scientifics lo nomenan l’Oscillacion Australa d’El Niño o ENSO (segon sa sigla anglesa) e es l’origina d’un corrent costièr sasonièr caud, long de Peró e de l’Eqüator, que provòca de temperaturas anormalament elevadas de l’aiga a l’èst e al sud de l’Ocean Pacific; aquò afècta lo Mond entièr e entraïna de damatges en America del Sud, en Indonesia e en Austràlia. Lo fenomèn es explicat pel movement de rotacion de la Tèrra e lo desplaçament de las marèas de l’emisfèri nòrd a l’emisfèri sud. Segon l’astronòm Günter D. Roth, El Niño es “una irrupcion ocasionala d’aigas superficialas caudas del Pacific al bòrd de las còstas de Peró e de l’Eqüator, a causa d’instabilitats de pression atmosferica entre lo Pacific oriental e occidental près de l’eqüator. Es la causa sospechada d’anomalias climaticas”.
El Niño se manifèsta ciclicament. Lo geograf Arthur Newell Strahleren parlava de cicles d’entre tres e uèch ans.
La Tèrra mai près del Solelh
Paradoxalament, dins l’emisfèri nòrd, l’ivèrn coïncidís amb lo moment que la Tèrra es mai près del Solelh. Las sasons son pas definidas per la distància de la planeta amb la nòstra estela màger a causa de l’ais d’inclinason de la Tèrra que permet que la radiacion solara siá desparièra en cada moment de l’an. Es pr’amor d’aquò que vesèm lo solelh de miègjorn mai bas en ivèrn e mai naut en estiu.
E mai, lo 2 de genièr serem al perièli, es a dire, al jorn de l’annada que lo Solelh e la Tèrra son mai pròches, amb una distància de 147 095 995 quilomètres. A causa d'aquela proximitat pendent l'ivèrn, la Tèrra se desplaça mai rapidament dins sa translacion e es aital que l’ivèrn es la sason mai corta. Amb una durada de 88 jorns e 23 oras serem en ivèrn fins al 20 de març de 2016.
Un ivèrn plan mens freg
Dempuèi qualques jorns las temperaturas son mai nautas que de costuma. Es pas una exclusivitat occitana, aquò se passa sus tota la planeta. Vaicí lo factor climatic desestabilizant: es lo fenomèn d’El Niño (que vòl dire en espanhòl l’“Enfant”, sosentendut “l’Enfant Jèsus”, pr’amor qu’apareis a l’entorn de Nadal). Los scientifics lo nomenan l’Oscillacion Australa d’El Niño o ENSO (segon sa sigla anglesa) e es l’origina d’un corrent costièr sasonièr caud, long de Peró e de l’Eqüator, que provòca de temperaturas anormalament elevadas de l’aiga a l’èst e al sud de l’Ocean Pacific; aquò afècta lo Mond entièr e entraïna de damatges en America del Sud, en Indonesia e en Austràlia. Lo fenomèn es explicat pel movement de rotacion de la Tèrra e lo desplaçament de las marèas de l’emisfèri nòrd a l’emisfèri sud. Segon l’astronòm Günter D. Roth, El Niño es “una irrupcion ocasionala d’aigas superficialas caudas del Pacific al bòrd de las còstas de Peró e de l’Eqüator, a causa d’instabilitats de pression atmosferica entre lo Pacific oriental e occidental près de l’eqüator. Es la causa sospechada d’anomalias climaticas”.
El Niño se manifèsta ciclicament. Lo geograf Arthur Newell Strahleren parlava de cicles d’entre tres e uèch ans.
La Tèrra mai près del Solelh
Paradoxalament, dins l’emisfèri nòrd, l’ivèrn coïncidís amb lo moment que la Tèrra es mai près del Solelh. Las sasons son pas definidas per la distància de la planeta amb la nòstra estela màger a causa de l’ais d’inclinason de la Tèrra que permet que la radiacion solara siá desparièra en cada moment de l’an. Es pr’amor d’aquò que vesèm lo solelh de miègjorn mai bas en ivèrn e mai naut en estiu.
E mai, lo 2 de genièr serem al perièli, es a dire, al jorn de l’annada que lo Solelh e la Tèrra son mai pròches, amb una distància de 147 095 995 quilomètres. A causa d'aquela proximitat pendent l'ivèrn, la Tèrra se desplaça mai rapidament dins sa translacion e es aital que l’ivèrn es la sason mai corta. Amb una durada de 88 jorns e 23 oras serem en ivèrn fins al 20 de març de 2016.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari