Actualitats
Grècia reconeisserà l’estat palestinian
Lo Parlament grèc o a demandat al govèrn, que ja emplega lo tèrme “Palestina” en luòc d’“Autoritat Nacionala Palestiniana”
Lo Parlament grèc a aprovat dimars passat una resolucion que demanda al govèrn grèc de reconéisser l’estat palestinian. Lo vòte se faguèt en preséncia del president palestinian, Mahmud Abbas, en vesita oficiala a Atenas.
Totes los partits presents a l’assemblada votèron per aquel tèxt que sollicita lo govèrn grèc de “promòure las proceduras adaptadas per la reconeissença d’un estat palestinian e de far totes los esfòrces diplomatics per reprene las convèrsas de patz” dins la region, coma o anoncièt lo president del Parlament, Nikos Voutsis.
Lo primièr ministre grèc Alexis Tsipras aviá anonciat diluns que, dins los documents oficials grècs, lo nom de Palestina remplaçariá lo tèrme “Autoritat Nacionala Palestiniana” que s’emplegava fins ara.
Los estats membres de l’Union Europèa que reconeisson l’estat palestinian a l’ora d’ara son Bulgaria, Eslovaquia, Ongria, Polonha, Suècia, Chequia, Romania e Chipre.
Totes los partits presents a l’assemblada votèron per aquel tèxt que sollicita lo govèrn grèc de “promòure las proceduras adaptadas per la reconeissença d’un estat palestinian e de far totes los esfòrces diplomatics per reprene las convèrsas de patz” dins la region, coma o anoncièt lo president del Parlament, Nikos Voutsis.
Lo primièr ministre grèc Alexis Tsipras aviá anonciat diluns que, dins los documents oficials grècs, lo nom de Palestina remplaçariá lo tèrme “Autoritat Nacionala Palestiniana” que s’emplegava fins ara.
Los estats membres de l’Union Europèa que reconeisson l’estat palestinian a l’ora d’ara son Bulgaria, Eslovaquia, Ongria, Polonha, Suècia, Chequia, Romania e Chipre.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari