Actualitats
Restanca de Sivens: an signat discretament l’abandon definitiu del projècte inicial
Lo projècte previst ara serà dos còps mai petit que l’inicial e lo plaçaràn 300 mètres amont
L’estat francés a abandonat definitivament lo projècte de la restanca de Sivens (Galhaqués), dins una discrecion totala. L’abandon del projècte inicial lo signèron dijòus passat, 24 de decembre, los prefèctes dels departaments de Tarn e de Tarn e Garona (lo País d’Albi e lo Bas Carcin aproximativament). Es lo senator carcinòl d’LR, François Bonhomme, qu’o anoncièt ièr dimenge sus son compte de Twitter.
Ara, l’estat acordarà al departament de Tarn 3,4 milions d’èuros en compensacion, çò es 2,1 milions per las despensas de pura pèrda e 1,3 milion per reabilitar la zòna umida qu’es restada fòrça degalhada après los trabalhs.
Lo projècte previst, ara, serà dos còps mai petit que l’inicial e lo plaçaràn a 300 mètres en amont del sit inicial. Lo projècte abandonat prevesiá una capacitat d’1,5 milion de mètres cubes en tot negar 35 ectaras dins la zòna umida del Testet, un airal amb fòrça biodiversitat e amb una granda valor ecologica. Lo projècte de restanca, dempuèi novembre de 2013, èra contestat per d’activistas qu’an menat una lucha longa e dura.
Una lucha ecologista, un activista mòrt
Cal remembrar que la lucha per preservar la valor ecologica del Testet a provocat un mòrt del costat dels ecologistas, lo jove tolosan Rémi Fraisse, que moriguèt la nuèch del 26 al 27 d’octòbre a causa d’una granada lançada pels gendarmas.
Per ara, poiriam dire que la lucha que los zadistas an menada dempuèi novembre de 2014 a ben capitat. Lo conselh general de Tarn a decidit de far pas la restanca prevista. Ara prepausa de far una restanca mai pichona.
Crisi dins l’estat francés
De fach, la mòrt de Rémi Fraisse portèt la crisi al govèrn francés. Las nombrosas susmautas que se debanèron per tot l’estat francés, en seguida de la mòrt de l’estudiant de botanica, creèron un grand desaise dintre lo poder politic.
Lo govèrn francés ensagèt de reglar la mòrt del jove tolosan en enebissent l’usatge de las granadas e en suspendent los trabalhs del barratge, mas tanben en ensajant de criminalizar los ecologistas en lucha. Totun, un larg sector de la societat, los movements ecologistas e los partits d’esquèrra, demandèron la demission del ministre de l’interior, Bernard Cazeneuve, que se limitèt a prometre “de sancions se de fautas se son comesas”.
Fraisse foguèt tuat dins l’encastre de la repression d’una protèsta populara e pacifica contra la construccion d’una restanca dins la zòna umida del Testet, a Sivens (Galhaqués).
La justícia relaxèt los activistas jutjats
En setembre passat la justícia relaxèt los activistas que luchèron contra la Restanca de Sivens. Lo tribunal correccional d’Albi relaxèt la quasi-totalitat de las quinze personas que compareguèron per “participacion a un atropament” sus la ZAD del Testet (Galhaqués), çò rapòrta Reporterre. Èran acusats d’aver opausat una resisténcia durant l’evacuacion del 6 de març passat.
Lo projècte incial
La restanca prevista inicialment, d’un milion e mièg de mètres cubes d’aiga, deviá negar una partida de la Val de Tescon en tot far desaparéisser 13 ectaras de zòna umida e un milion d’animals salvatges (de granhòtas, de peisses o de salamandras). Lo conselh general de Tarn citava lo Ministèri francés de l’Environament, segon lo qual la restanca auriá de vertuts ecologicas, cercant un “equilibri idrologic” de la zòna. Los ecologistas o cresián pas, s’opausavan al projècte e denonciavan qu’èra finançat per de fonzes publics per favorir solament d’interèsses privats. Revendicavan la preservacion de totas las 35 ectaras de zòna umida menaçadas per la restanca. Denonciavan que la tòca del projècte èra de favorizar l’agricultura intensiva e que, per tant, èra un perilh per un centenat d’espècias “protegidas” dont cinc son ja declaradas menaçadas.
Segon lo conselh general de Tarn, la restanca èra indispensabla per irrigar las tèrras agricòlas e s’anava recrear una autra zòna umida. Los opausants denonciavan un projècte car que solament auriá servit a irrigar las tèrras d’un petit nombre d’esplechaires que practican l’agricultura intensiva.
L’occitanisme se mostrèt majoritàriament contra la construccion de la restanca, levat lo Partit de la Nacion Occitana (PNO) e l’associacion lo Clusèl (que manifestèt en favor de la restanca).
Quand l'Etat signe un arrêté d'abandon de la retenue de #sivens en catimini #gâchis#capitulation#Noeldelalâchetépic.twitter.com/qQ0SnAbFQH
— François Bonhomme (@F_Bonhomme) 26 desembre, 2015Ara, l’estat acordarà al departament de Tarn 3,4 milions d’èuros en compensacion, çò es 2,1 milions per las despensas de pura pèrda e 1,3 milion per reabilitar la zòna umida qu’es restada fòrça degalhada après los trabalhs.
Lo projècte previst, ara, serà dos còps mai petit que l’inicial e lo plaçaràn a 300 mètres en amont del sit inicial. Lo projècte abandonat prevesiá una capacitat d’1,5 milion de mètres cubes en tot negar 35 ectaras dins la zòna umida del Testet, un airal amb fòrça biodiversitat e amb una granda valor ecologica. Lo projècte de restanca, dempuèi novembre de 2013, èra contestat per d’activistas qu’an menat una lucha longa e dura.
Una lucha ecologista, un activista mòrt
Cal remembrar que la lucha per preservar la valor ecologica del Testet a provocat un mòrt del costat dels ecologistas, lo jove tolosan Rémi Fraisse, que moriguèt la nuèch del 26 al 27 d’octòbre a causa d’una granada lançada pels gendarmas.
Per ara, poiriam dire que la lucha que los zadistas an menada dempuèi novembre de 2014 a ben capitat. Lo conselh general de Tarn a decidit de far pas la restanca prevista. Ara prepausa de far una restanca mai pichona.
Crisi dins l’estat francés
De fach, la mòrt de Rémi Fraisse portèt la crisi al govèrn francés. Las nombrosas susmautas que se debanèron per tot l’estat francés, en seguida de la mòrt de l’estudiant de botanica, creèron un grand desaise dintre lo poder politic.
Lo govèrn francés ensagèt de reglar la mòrt del jove tolosan en enebissent l’usatge de las granadas e en suspendent los trabalhs del barratge, mas tanben en ensajant de criminalizar los ecologistas en lucha. Totun, un larg sector de la societat, los movements ecologistas e los partits d’esquèrra, demandèron la demission del ministre de l’interior, Bernard Cazeneuve, que se limitèt a prometre “de sancions se de fautas se son comesas”.
Fraisse foguèt tuat dins l’encastre de la repression d’una protèsta populara e pacifica contra la construccion d’una restanca dins la zòna umida del Testet, a Sivens (Galhaqués).
La justícia relaxèt los activistas jutjats
En setembre passat la justícia relaxèt los activistas que luchèron contra la Restanca de Sivens. Lo tribunal correccional d’Albi relaxèt la quasi-totalitat de las quinze personas que compareguèron per “participacion a un atropament” sus la ZAD del Testet (Galhaqués), çò rapòrta Reporterre. Èran acusats d’aver opausat una resisténcia durant l’evacuacion del 6 de març passat.
Lo projècte incial
La restanca prevista inicialment, d’un milion e mièg de mètres cubes d’aiga, deviá negar una partida de la Val de Tescon en tot far desaparéisser 13 ectaras de zòna umida e un milion d’animals salvatges (de granhòtas, de peisses o de salamandras). Lo conselh general de Tarn citava lo Ministèri francés de l’Environament, segon lo qual la restanca auriá de vertuts ecologicas, cercant un “equilibri idrologic” de la zòna. Los ecologistas o cresián pas, s’opausavan al projècte e denonciavan qu’èra finançat per de fonzes publics per favorir solament d’interèsses privats. Revendicavan la preservacion de totas las 35 ectaras de zòna umida menaçadas per la restanca. Denonciavan que la tòca del projècte èra de favorizar l’agricultura intensiva e que, per tant, èra un perilh per un centenat d’espècias “protegidas” dont cinc son ja declaradas menaçadas.
Segon lo conselh general de Tarn, la restanca èra indispensabla per irrigar las tèrras agricòlas e s’anava recrear una autra zòna umida. Los opausants denonciavan un projècte car que solament auriá servit a irrigar las tèrras d’un petit nombre d’esplechaires que practican l’agricultura intensiva.
L’occitanisme se mostrèt majoritàriament contra la construccion de la restanca, levat lo Partit de la Nacion Occitana (PNO) e l’associacion lo Clusèl (que manifestèt en favor de la restanca).
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Lo jovent volia la vida per leis aubras e lei bestias deis aigas maires.
D'autrei digueron qu' aquel aiga era per elei.
Aubras e bestias fugueron destruch.
E dins aquesta batesta per l'aiga e la vida
foguet tuat,
lo jovent.
Se sonava Rémi.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari