Lo president del parlament europèu, Martin Schultz, a dich publicament que Polonha viu un còp d’estat en mans del nòu govèrn a causa de la temptativa de desfar lo Tribunal Constitucional.
 
Lo partit Drech e Justícia, qu’es al poder dempuèi octòbre, a elaborat una nòva lei que li permet d’interferir sul trabalh del Tribunal Constitucional polonés (Trybunał Konstytucyjny) e de cambiar los jutges a volontat. De fach ja n’a cambiat cinc. La nòva lei reclama al Tribunal Constitucional de respondre a las demandas de constitucionalitat per òrdre cronologic estricte e en daissant passar almens tres meses dempuèi lo moment que se formula la denóncia.
 
De milièrs de personas an manifestat dins tot lo país per protestar contra la situacion e quitament Lech Wałęsa, ancian president e cap de Solidaritat, a afirmat que la democracia es en perilh dins lo sieu país.