Actualitats
França repàtria mai de 200 gitanos romaneses que vivián en de campaments
La polícia francesa deslotgèt dijòus passat dos campaments de gitanos romaneses près de Lilla, dins lo nòrd de França. Qualques 200 personas seràn repatriadas en Romania dins l’encastre del programa “Ajuda umanitària al retorn”.
Las ONGs asseguran que s’agís de percaces camoflats jos lo pretèxte de l’ajuda umanitària. Lo retorn es volontari; los adultes que l’accèptan recebon 300 èuros e los enfants, la mitat en mai de la bilheta d’avion, una mesura que ven del mandat de Nicolas Sarkozy.
Lo Ministèri de l’Interior a assegurat que l’evacuacion dels campaments illegals se menarà a tèrme “amb fermetat” après recebre una autorizacion judiciala. Del lor costat, los volontaris qu’ajudan los residents dins los campaments denóncian que los retorns volontaris son “de percaces camoflats” que, de mai, pòdon supausar de “dilapidar l’argent public, perque fòrça d’entre eles tornaràn venir”.
La setmana passada, las fòrças de seguretat deslotgèron tanben de campaments dels entorns de Lion e París.
Lo percaç de ciutadans romaneses portèt ja fòrça polemica pendent lo mandat de Sarkozy.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1E cal pas doblidar los caracos.
E per çò qui ei deu hons, que prefereishi non pas har qu'aqueste comentari: que soi hart d'enténer los progressistas qui's desvelhan per'mor que s'ageish de tsigans hòravienguts, e per'mor que son dens l'actualitat, au lòc qui's caran, aqueths progressistas, despuish decennis, a prepaus de la condicion de ciutadans de segonda zòna deus tsigans de ciutadanitat francesa (condicion totun denonciada en un rapòrt de l'ONU sus las minoritats en França - mes un tau tèma qu'ei tanben, segur, entà l'esquèrra franchimanda), la pauperizacion deus tsigans, la non-aplicacion de la lei Besson suus airaus d'estacionament, etc, etc
Adishatz,
"gitano" non convien pas, en occitan que designa un tsigan d'origina espanhòla o catalana e non un tsigan d'ua auta origina.
Atau, entaus tsigans autoctònes, qu'avèm tradicionaument noms com "bohèmis" (gascon), "bomians" (provençau", "barraquiers" (lemosin...)
Çò qui aperatz "gitanos romaneses" non son briga "gitanos" entà nosautes, que son de "ròms", mot peu quau e's designan dens la lor lenga.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari