Japon e la Corèa del Sud an signat aqueste diluns passat un acòrdi pel desdomatjament de las dichas “femnas de confort”, çò rapòrta CNN. Se tracta de milièrs de femnas coreanas que, pendent la Segonda Guèrra Mondiala, ne faguèron de prostitutas forçadas per l’armada japonesa.
 
Japon a demandat perdon a portarà 7,6 milions d’èuros a un fons de compensacion a las victimas. “Lo govèrn japonés es totalament conscient de sa responsabilitat sus una question qu’a ferit prigondament l’onor e la dignitat de nombrosas femnas”, çò declarèt lo ministre dels afars estrangièrs japonés Fumio Kishida.
 
Segon los istorians, aperaquí 200 000 femnas coreanas, e tanben indonesianas e chinesas, foguèron obligadas de se prostituir dins los bordèls de l’armada japonesa a partir dels ans 1930 e dusca a la fin de la guèrra en 1945.