Giorgos Moutafis es un ciutadan grèc qu’a dich adieu a l’an 2015 amb un vidèo qu’a publicat sus Facebook. La tòca es de mercejar los eròis qu’an participat als salvaments dels refugiats qu’ensajavan d’arribar en Euròpa per l’illa de Lèsbos. Ailà, cap d’organisme administratiu a pas participat al salvaments, mas solament una ONG catalana nomenada Proactiva Open Arms amb l’ajuda de pescadors turcs e grècs. Aqueles socorristas catalans solidaris se son installats a Lèsbos per salvar de vidas davant la vergonhabla inoperància de las administracions europèas.
 
“En disent adieu a l’an 2015, ai preparat aqueste vidèo. Mandi mos melhors vòts als pescadors grècs eroïcs e als salvaires espanhòls qu’an salvat de desenats de vidas ongan. Malaürosament, d'autres umans coma nosautres se’n son pas sortits. En memòria de totes los que son arribats en Euròpa mòrts. 2015 tornes pas”, çò ditz Moutafis.