La comuna d’Artieda (Aragon) e lo partit aragonés Bloque Independentista de Cuchas (Blòc Independentista d’Esquèrra) menèron a tèrme l’enregistrament d’un lipdup que revendica l’oposicion a l’extension del lac de restanca de Yesa.

 

A l’escasença del 5n festenal Esfendemos a Tierra (defendèm la tèrra), los participants al festenal e de vesins faguèron un percors musical per las carrièras del vilatge, en fasent un filmet plen de revendicacion, de musica, de jòcs tradicionals, de danças e de bandièras; i vesèm quitament la bandièra occitana, brandada per qualques sòcis de Libertat! e de Podem! que participèron al festenal, als actes politics e a l’enregistrament del lipdub.

 

Un lipdub es un vidèo que consistís a sincronizar los pòts e los movements dels participants amb una cançon fòrça coneguda. En aquel cas, s’agissiá de la cançon O Mirallo Crebau (lo miralh crebat) del grop aragonés Mallacán, tot bèl just perque es una cançon critica devèrs l’inondacion d’endreches vius jos las aigas dels lacs de restanca.

 

Artieda, al nòrd d’Aragon, es un endrech emblematic en la lucha dels païsans contra lo plan dels govèrns espanhòls successius que visa d’emplir lo nòrd d’Aragon d’enòrmes lacs de restanca, per provesir en aiga las zònas toristicas, mai que mai  las còstas del País Valencian e de Múrcia.