Actualitats
Una mapa interactiva amb totas las disputas territorialas del Mond
Lo periòde de Calendas s’es viscut d’un biais particularament intens en Tèrra Santa, un airal de l’Orient Mejan enfonzat dempuèi de decennis dins de disputas territorialas etèrnas e sagnosas. Mas de luchas entre païses per de bocins de tèrra e de mar, n’i a un pauc pertot, e pòdon èsser la causa de pichonas carpinhadas diplomaticas, e mai de problèmas geopolitics de primièr òrdre mondial.
Aquò se vei plan clarament demostrat sus la mapa interactiva A World of Disputed Territories, publicada recentament pel portal d’analisi de donadas e d’estatisticas Metrocosm: “D’un extrèm del Mond a un autre, almens 124 païses (o «quasi-païses») son implicats de qualque biais dins de disputas territorialas, que comprenon fins a 105 territòris”. S’òm clica sus un estat, apareisson los conflictes que i an luòc.
En mai del gròs centenat de conflictes territorials incluses dins la mapa de Metrocosm, los autors n’an tanben fach una seleccion a despart. Demest “las sièis disputas mai interessantas, susprenentas o estranhas”, apareisson:
Aquò se vei plan clarament demostrat sus la mapa interactiva A World of Disputed Territories, publicada recentament pel portal d’analisi de donadas e d’estatisticas Metrocosm: “D’un extrèm del Mond a un autre, almens 124 païses (o «quasi-païses») son implicats de qualque biais dins de disputas territorialas, que comprenon fins a 105 territòris”. S’òm clica sus un estat, apareisson los conflictes que i an luòc.
En mai del gròs centenat de conflictes territorials incluses dins la mapa de Metrocosm, los autors n’an tanben fach una seleccion a despart. Demest “las sièis disputas mai interessantas, susprenentas o estranhas”, apareisson:
— las Illas Korils, que son “la rason per la quala Japon e Russia an pas encara signat cap de tractat de patz per metre fin a la Segonda Guèrra Mondiala”;
— l’estat de Belize, que Guatemala reclama la sobeiranetat dessús dempuèi 1940;
— l’Estrech de Gibartar, amb las enclavas espanhòlas de Ceuta e Melilla e la britanica de Gibartar;
—Rockall, un illon dins l’Atlantic Nòrd disputat dempuèi dos sègles per la Grand Bretanha, Islàndia e Danemarc;
— Arunachal Pradesh, ont “Google Maps marca una frontièra o una autra en foncion de qui agacha”;
— e enfin Bir Tawil, “un territòri que ni Sodan ni Egipte lo vòlon pas reclamar”.
— l’estat de Belize, que Guatemala reclama la sobeiranetat dessús dempuèi 1940;
— l’Estrech de Gibartar, amb las enclavas espanhòlas de Ceuta e Melilla e la britanica de Gibartar;
—Rockall, un illon dins l’Atlantic Nòrd disputat dempuèi dos sègles per la Grand Bretanha, Islàndia e Danemarc;
— Arunachal Pradesh, ont “Google Maps marca una frontièra o una autra en foncion de qui agacha”;
— e enfin Bir Tawil, “un territòri que ni Sodan ni Egipte lo vòlon pas reclamar”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#7 Ei marginau la mencion de l'indepentisme politic occitan dins un mèdia de comunicacion de massa qu'apartién a l'Estat francés? I a quauques anadas, aquò seré estat ignorat. Significa que las causas son a cambiar dins la consciéncia de l'identitat occitana : manifestacions per l'oficialitat de la lenga occitana, grèvas de la hami, mediás en occitan sùu internet, reinvendicacions a l'UNESCO o a l'Union Europenca, ... Lo temps de la Vergonha ei a desaparéisher.
#6 Mmmm, sètz serios amb aquel exemple mai que marginal ? E lo sosten de la "societat civila" ? Ont son los movements espontanèus o pas de la societat "populara" (es a dire levat "l'avant garda esclairada occitanista") de revendicacion d'independéncia ? Ont son los milions de gents que, coma en Catalonha, manifestan per l'independéncia ? Allo allo aici la Terra.
Pasmens, soi pas a dire que m'agradaria pas que n'i aja.
# 2 La darrièra accion per l'independéncia d'Occitània qu'ei aquí:
http://www.jornalet.com/nova/4009/france-tv-info-mencona-lindependentisme-occitan
# 2 Nani, los occitans non son pas totjorn partits se batre per França. Fòrça occitans coneishen plan l'istuèra mitificat de l'Estat francés mès pas brica la de los occitans.
#1 Son sonque mencionats las disputas territorialas entre Estats o quasi-Estats. N'i son pas los conflictes intèrnas tau coma Bascoat, Catalonha o Occitània,… quau que siá lo niveu de las reinvendicacions.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari