Actualitats
Catalonha e Aran: i a pas d’acòrdi per causir un president
La CUP a decidit d’investir pas Artur Mas, e lo scenari mai probable es que i aja d’eleccions en març
La manca d’acòrdi per causir un president per la Generalitat de Catalonha menarà lo país a novèlas eleccions en març. Aital o confirmèron ièr de fonts de la formacion Amassa per l’Òc (Junts pel Sí) en afirmant qu’Artur Mas èra lo sol candidat a la presidéncia, après conéisser la decision finala de la CUP qu’aviá anonciat fin finala de votar pas en favor de l’investidura d’Artur Mas. Se se confirman aquelas informacions, dins una setmana se convocarà d’eleccions novèlas al Parlament de Catalonha e Aran. Una retirada d’Artur Mas e la proposicion d’un autre candidat per president poiriá encara obténer los vòtes favorables de la CUP e ajudariá a far govèrn, mas aquela opcion, ara, sembla pauc probabla.
Amassa per l’Òc, que reünís d’independents, Convergéncia Democratica de Catalonha (CDC) e Esquèrra Republicana (ÈRC), ganhèt las eleccions autonomicas lo 27 de setembre passat, mas li caliá los vòtes de l’autra formacion independentista per causir lo president. La CUP s’es mostrada pendent tot aquel temps devesida sus aquela eleccion, e mai se pendent la campanha electorala s’èra engatjada a investir pas Artur Mas.
Los dirigents d’ÈRC s’amassan uèi de ser per analisar las consequéncias d’aquela decision. Aquel partit èra pas partisan inicialament de participar a la coalicion Amassa per l’Òc prepausada per Artur Mas, e mai se fin finala o acceptèt.
La convocacion de nòvas eleccions fa paur als independentistas, que ganhèron l’eleccion de setembre per mens del 50% (lo 39,60% per Amassa per l’Òc e lo 8,21% per la CUP). Pasmens lo bon resultat de l’esquèrra anticapitalista (Podèm) en Catalonha, dins las recentas eleccions espanhòlas, amb la pèrda de vòtes per la formacion d’Artur Mas, fan preveire que la CUP —que se presentava pas a l’eleccion estatala— ganhariá de vòtes dels partisans de las politicas antiausteritat (de Podèm e quitament dels socialistas); e d’aquel mentre, ÈRC poiriá ganhar l’eleccion en prenent de vòtes dels decebuts de la CUP e de Convergéncia. Alavetz, los scenaris mai probables en març son un president d’ÈRC que proclame l’independéncia, o ben una coalicion d’esquèrra anticapitalista que contunhe de reclamar lo referendum independentista a una Espanha que s’entestardís a lo permetre pas.
Television de Catalonha: La CUP explica per què no investirà Mas
Vilaweb: Independència o dretes contra esquerres? Les claus de les eleccions del març
Amassa per l’Òc, que reünís d’independents, Convergéncia Democratica de Catalonha (CDC) e Esquèrra Republicana (ÈRC), ganhèt las eleccions autonomicas lo 27 de setembre passat, mas li caliá los vòtes de l’autra formacion independentista per causir lo president. La CUP s’es mostrada pendent tot aquel temps devesida sus aquela eleccion, e mai se pendent la campanha electorala s’èra engatjada a investir pas Artur Mas.
Los dirigents d’ÈRC s’amassan uèi de ser per analisar las consequéncias d’aquela decision. Aquel partit èra pas partisan inicialament de participar a la coalicion Amassa per l’Òc prepausada per Artur Mas, e mai se fin finala o acceptèt.
La convocacion de nòvas eleccions fa paur als independentistas, que ganhèron l’eleccion de setembre per mens del 50% (lo 39,60% per Amassa per l’Òc e lo 8,21% per la CUP). Pasmens lo bon resultat de l’esquèrra anticapitalista (Podèm) en Catalonha, dins las recentas eleccions espanhòlas, amb la pèrda de vòtes per la formacion d’Artur Mas, fan preveire que la CUP —que se presentava pas a l’eleccion estatala— ganhariá de vòtes dels partisans de las politicas antiausteritat (de Podèm e quitament dels socialistas); e d’aquel mentre, ÈRC poiriá ganhar l’eleccion en prenent de vòtes dels decebuts de la CUP e de Convergéncia. Alavetz, los scenaris mai probables en març son un president d’ÈRC que proclame l’independéncia, o ben una coalicion d’esquèrra anticapitalista que contunhe de reclamar lo referendum independentista a una Espanha que s’entestardís a lo permetre pas.
Television de Catalonha: La CUP explica per què no investirà Mas
Vilaweb: Independència o dretes contra esquerres? Les claus de les eleccions del març
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
En esperant, s'espèra...
Fa pietat.
#1E qui t'a dit qu'ei acabat?
Adixatz monde , qu'ac avèi dit desempuish bèra pòsa tot aquerò der'inpendencia de Catalonha que s' anava acabar en ua carnavalada.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari