Actualitats
L’SNCM es ara proprietat de Patrick Rocca
L’òme d’afars còrs a aquerit la companhiá maritima per 8,3 milions d’èuros. Los salariats son en cauma
O publicava la Setmana ièr de matin, l’anciana companhiá maritima es ara proprietat de l’òme d’afars còrs Patrick Rocca. Es intrada en vigor la decision del 20 de novembre del tribunal de comèrci de Marselha, qu’acceptèt lo dorsièr de represa prepausat per Rocca, especialament per la represa de 873 salariats dels 1500 qu’èran emplegats de l’SNCM, per una soma globala de 8,3 milions d’èuros.
Mas a pena lançada, l’SNCM e son novèl proprietari son confrontats a un primièr problèma: es una linha entre Corsega e Marselha, creada per doas companhiás concurrentas qu’a la basa s’èran portadas candidatas a la crompa de la quita SNCM. En reaccion, los marinièrs sindicalizats a la CGT an lançat un movement de cauma perque aqueles batèls auràn pas cap de marinièr francés a bòrd.
L’SNCM nasquèt en 1969 jol nom de Companhiá Generala Transmediterranèa (CGTM), amb la tòca d’assegurar las comunicacions maritimas entre Occitània e Corsega, e tanben amb Sardenha, Argeria e Tunisia. Foguèt privatizada en 2006 quand l’accionariat de l’emblematica entrepresa marselhesa anèt a Véolia Transdev (66%), a l’estat francés (25%) e als emplegats (9%). Ara ven d’èsser completament privatizada.
Mas a pena lançada, l’SNCM e son novèl proprietari son confrontats a un primièr problèma: es una linha entre Corsega e Marselha, creada per doas companhiás concurrentas qu’a la basa s’èran portadas candidatas a la crompa de la quita SNCM. En reaccion, los marinièrs sindicalizats a la CGT an lançat un movement de cauma perque aqueles batèls auràn pas cap de marinièr francés a bòrd.
L’SNCM nasquèt en 1969 jol nom de Companhiá Generala Transmediterranèa (CGTM), amb la tòca d’assegurar las comunicacions maritimas entre Occitània e Corsega, e tanben amb Sardenha, Argeria e Tunisia. Foguèt privatizada en 2006 quand l’accionariat de l’emblematica entrepresa marselhesa anèt a Véolia Transdev (66%), a l’estat francés (25%) e als emplegats (9%). Ara ven d’èsser completament privatizada.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari