Actualitats
Perpinhan: dos joves meses en examen per un supausat violament filmat e publicat sus Internet
Lo vidèo lo vegèron qualques centenats de milièrs d’internautas abans que la polícia perpinhanesa foguèsse avertida e qu’arrestèsse los dos suspèctes
Ièr dimars foguèron meses en examen a Perpinhan (Catalonha) los dos joves de 18 e 22 ans detenguts après aver publicat sus Facebook lo vidèo d’un violament en reünion. Son acusats de violament en reünion, registrament e difusion d’imatges d’un violament en reünion e d’atemptat a la vida privada.
Lo vidèo, esglasiant e brutal, lo vegèron qualques centenats de milièrs d’internautas abans que la polícia perpinhanesa foguèsse avertida e qu’arrestèsse los dos suspèctes.
La victima èra una joventa de 18 ans, que segon lo procuraire Achille Kiriakides “a patit de rapòrts sexuals que son estats filmats mejançant un telefòn mobil”. Mas ela, a l’ora d’ara, a pas fach sa denóncia. Segon Libération, que cita una font pròcha de l’enquèsta, la victima auriá parlat de relacion “consentida” e un dels dos violaires seriá son nòvi, qu’auriá amb el de rapòrts sovent restacats a la dròga e l’alcòl. De son costat, lo procuraire preferís “donar pas d’elements sus aquel ponch, per permetre al jutge d’instruccion de reculhir totes los elements relatius a son testimoniatge”. “Los examens medical, informatic, toxicologic e psicologic permetràn de determinar s’aquelas relacions son estadas integralament e liurament consentidas”, çò precisèt Kiriakides.
Los joves s’afrontan a de penas de cinc ans de preson e a 75 000 èuros de multa per la difusion d’aqueles imatges, e en cas de violament, la reclusion poiriá èsser de vint ans.
Una relacion consentida partejada per Snapchat
L’avocata Françoise Nogues, que defend lo detengut de 22 ans, afirmèt que “la victima es la nòvia de mon client dempuèi 5 ans” e defendèt que se tracta d’un “libertinatge quichat entre adultes consentents e avertits”, segon çò que rapòrta L’Indépendant. Nogues afirma tanben que lo filmet foguèt fach amb un telefòn mobil qu’èra pas lo de son client, e qu’evidentment el filmava pas. En mai d’aquò, l’avocata precisa que “lo filme se difondèt sus Snapchat a un cercle restrench de personas. Aviá pas vocacion d’èsser difondut sus Facebook. Òm fa de mon client lo bòchi emissari d’un disfoncionament d’Internet”.
Snapchat es un ret social de messatges efemèrs. Es una aplicacion mobila que permet d’escambiar de fòtos e de vidèos. Difond 350 milions d’itèms cada jorn dins lo Mond, que son de messatges de vida limitada e solament partejats amb los “amics”. Pasmens, los que recebon aqueles fichièrs an la possibilitat de capturar aqueles imatges e de los difondre suls rets socials coma Facebook, çò que —segon l’Indépendant— es çò que se seriá passat.
Lo vidèo, esglasiant e brutal, lo vegèron qualques centenats de milièrs d’internautas abans que la polícia perpinhanesa foguèsse avertida e qu’arrestèsse los dos suspèctes.
La victima èra una joventa de 18 ans, que segon lo procuraire Achille Kiriakides “a patit de rapòrts sexuals que son estats filmats mejançant un telefòn mobil”. Mas ela, a l’ora d’ara, a pas fach sa denóncia. Segon Libération, que cita una font pròcha de l’enquèsta, la victima auriá parlat de relacion “consentida” e un dels dos violaires seriá son nòvi, qu’auriá amb el de rapòrts sovent restacats a la dròga e l’alcòl. De son costat, lo procuraire preferís “donar pas d’elements sus aquel ponch, per permetre al jutge d’instruccion de reculhir totes los elements relatius a son testimoniatge”. “Los examens medical, informatic, toxicologic e psicologic permetràn de determinar s’aquelas relacions son estadas integralament e liurament consentidas”, çò precisèt Kiriakides.
Los joves s’afrontan a de penas de cinc ans de preson e a 75 000 èuros de multa per la difusion d’aqueles imatges, e en cas de violament, la reclusion poiriá èsser de vint ans.
Una relacion consentida partejada per Snapchat
L’avocata Françoise Nogues, que defend lo detengut de 22 ans, afirmèt que “la victima es la nòvia de mon client dempuèi 5 ans” e defendèt que se tracta d’un “libertinatge quichat entre adultes consentents e avertits”, segon çò que rapòrta L’Indépendant. Nogues afirma tanben que lo filmet foguèt fach amb un telefòn mobil qu’èra pas lo de son client, e qu’evidentment el filmava pas. En mai d’aquò, l’avocata precisa que “lo filme se difondèt sus Snapchat a un cercle restrench de personas. Aviá pas vocacion d’èsser difondut sus Facebook. Òm fa de mon client lo bòchi emissari d’un disfoncionament d’Internet”.
Snapchat es un ret social de messatges efemèrs. Es una aplicacion mobila que permet d’escambiar de fòtos e de vidèos. Difond 350 milions d’itèms cada jorn dins lo Mond, que son de messatges de vida limitada e solament partejats amb los “amics”. Pasmens, los que recebon aqueles fichièrs an la possibilitat de capturar aqueles imatges e de los difondre suls rets socials coma Facebook, çò que —segon l’Indépendant— es çò que se seriá passat.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
fàcia an aquestei mòstres mediatics que son twitter, snapchat, facebook e tutti quanti, una soleta parada : jamai li participar; se pasmens lo "voyeurisme" te pruse , per ieu la solucion es l'escritura, la pagina blanca; s'escrives en francés tei turpituds li aurà trenta o quaranta % dei joves sortits deis escòlas de la republica que lo saupràn pas legir, mièlhs encara en oc que sei lectors son pas espese que s'emparenta a d'ierogrifs (ieroglifs imprononciable per una garganta provençala), coma disèm consurta per consulta
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari