Actualitats
Nicola Sturgeon: la sola tòca de l’SNP es l’independéncia
Aital a començat la campanha electorala del partit majoritari d’Escòcia per las eleccions escocesas del mes de mai
La primièra ministra d’Escòcia, Nicola Sturgeon, a començat la campanha electorala escocesa en declarant que l’independéncia es la sola tòca de son partit, lo Partit Nacional Escocés (SNP), que govèrna en Escòcia.
O diguèt ièr dins lo parlament escocés, que serà renovelat a las eleccions del mes de mai. “Farem campanha [per l’independéncia] del biais pus positiu e potent que poirem”, çò assegurèt, “e soi convencuda que dins los ans que venon serem capables d’aténher un sosten majoritari.”
En seguida del referendum de setembre de 2014, es lo primièr còp que l’SNP afirma oficialament la tòca de l’independéncia dins l’encastre d’eleccions escocesas. Al referendum, lo “non” s’èra impausat amb lo 55% dels vòtes.
O diguèt ièr dins lo parlament escocés, que serà renovelat a las eleccions del mes de mai. “Farem campanha [per l’independéncia] del biais pus positiu e potent que poirem”, çò assegurèt, “e soi convencuda que dins los ans que venon serem capables d’aténher un sosten majoritari.”
En seguida del referendum de setembre de 2014, es lo primièr còp que l’SNP afirma oficialament la tòca de l’independéncia dins l’encastre d’eleccions escocesas. Al referendum, lo “non” s’èra impausat amb lo 55% dels vòtes.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari