Actualitats
Bordèu es al numèro 2 de la lista de las vilas que cal vesitar segon lo New York Times
Se soslinha l’estil neoclassic de la vila classada per l’UNÈSCO, que ven lo sit mai grand del patrimòni mondial urban
The New York Times prepausa una lista de 52 vilas que cal visitar en 2016 e Bordèu n’es al numèro 2.
Presentada coma una anciana region viticòla qu’a recebut una magnifica modernizacion, lo jornal estatsunidenc remembra que l’an que ven la vila girondina veirà la dobertura de la Ciutat del Vin, “una institucion ambiciosa, long de la còsta de Garona, consagrada a l’istòria de la viticultura”. En mai d’aquò, se descriu l’estructura d’aquel edifici concebut pels arquitèctes XTU, se soslinha lo pont Jacques Chaban-Delmas, “lo pont levadís mai grand d’Euròpa”, e “la transformacion de mai de 700 000 mètres cairats d’ancianas darsenas en mai de 5000 novèls apartaments amb las atraccions publicas en riba de l’aiga”.
Se soslinha tanben l’estil neoclassic de la mitat de la vila, qu’es estada classada per l’UNÈSCO e que ven lo sit mai grand del patrimòni mondial urban.
Presentada coma una anciana region viticòla qu’a recebut una magnifica modernizacion, lo jornal estatsunidenc remembra que l’an que ven la vila girondina veirà la dobertura de la Ciutat del Vin, “una institucion ambiciosa, long de la còsta de Garona, consagrada a l’istòria de la viticultura”. En mai d’aquò, se descriu l’estructura d’aquel edifici concebut pels arquitèctes XTU, se soslinha lo pont Jacques Chaban-Delmas, “lo pont levadís mai grand d’Euròpa”, e “la transformacion de mai de 700 000 mètres cairats d’ancianas darsenas en mai de 5000 novèls apartaments amb las atraccions publicas en riba de l’aiga”.
Se soslinha tanben l’estil neoclassic de la mitat de la vila, qu’es estada classada per l’UNÈSCO e que ven lo sit mai grand del patrimòni mondial urban.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari