L’Estat Islamic (EI) decapitèt una jornalista siriana de 30 ans, Ruqia Hasan, en l’acusant de far d’espionatge. La nòva se coneis dempuèi qualques jorns, mas òm crei que seriá estada raubada fa mièg an e assassinada fa aperaquí tres meses.
 
Sa mòrt es ara coneguda gràcias al collectiu RBSS (Raqqa is Being Slaughtered Silently), un grop de ciutadans jornalistas que documentan la dura vida dins un fèu de l’Estat Islamic, la vila siriana de Raqqa, ont lo mond subisson la terror dels juhadistas e los bombardaments de las aviacions francesa e russa.
 
A travèrs de son compte de Twitter, lo collectiu RBSS a publicat los darrièrs mots de la jove jornalista: “Soi a Raqqa e ai recebut de menaças de mòrt. Quand l’EI m’arrestarà e me tuarà, aquò serà plan perque me talharàn lo cap mas aurai de dignitat, çò qu’es melhor que de viure dins l’umiliacion amb l’EI”.
 
Ruqia Hasan estudiava la filosofia dins l’universitat siriana d’Alèp. Quand esclatèt la revolucion contra Bashshar Al Asad, rejonguèt las fòrças opausantas e s’installèt a Raqqa. Puèi la vila foguèt ocupada per l’EI. Pasmens, ela volguèt pas abandonar la vila e, amb l’escais de Nissan Ibrahim, publicava de cronicas dins Facebook sus la vida vidanta dins la vila, sus los atacs aerians que recebián e sus los ensages dels jihadistas de talhar Internet. Lo darrièr messatge sus Facebook, Ruqia Hasan lo publiquèt lo 21 de julhet.
 

1-the last words from Nissan Ibrahim Syrian activist who got executed by #ISIS was " im in Raqqa and I received pic.twitter.com/4CPswO2LLI

— الرقة تذبح بصمت (@Raqqa_SL) 2 gener, 2016

#Raqqa 2-"Death threats and when #ISIS will Arrest me and kill me its ok Because they will cut my head and i have Dignity its better than"

— الرقة تذبح بصمت (@Raqqa_SL) 2 gener, 2016

#Raqqa 3-I live in Humiliation with #ISIS#RIP Nissan

— الرقة تذبح بصمت (@Raqqa_SL) 2 gener, 2016

---