Actualitats
Vilanuèva d’Òlt: campanha per sosténer la dobertura d’una escòla Calandreta
L’associacion Auron a lançat una peticion en linha per sosténer l’escòla occitana, que compta ja amb un desenat d’inscriches per la rintrada que ven
L’associacion Auron (dison en francés “Envol”) a lançat una campanha de signaturas en linha per sosténer la dobertura d’una escòla Calandreta a Vilanuèva d’Òlt (Naut Agenés).
Creada en decembre passat, l’associacion Auron a ja trobat lo ensenhaires e dètz enfants son inscriches per la rintrada de setembre de 2016, cinc per 2017 e cinc per 2018. Solament cal trobar los locals.
Agenés comptariá aital sa segonda escòla Calandreta après la dobertura de la Calandreta d’Agen fa dos ans.
Las escòlas Calandretas, escampilhadas per tota Occitània, son d’escòlas laïcas e associativas qu’an un contracte amb l’estat, qu’emplegan la lenga occitana coma lenga veïculara sul programa educatiu fixat pel Ministèri de l’Educacion de França. La relacion entre los professors e las familhas es fòrça estrecha e los parents se pòdon engatjar dins lo projècte fins ont vòlgan. E mai, cada Calandreta a una estrecha relacion amb son entorn immediat, e aital la coneissença de la realitat pròcha e l’engatjament dels escolans amb l’entorn son plan nauts.
A l’ora d’ara, Occitània compta mai d’un cinquantenat d’escòlas primàrias Calandretas e mai tres collègis Calandretas, a Pau, a Tolosa e a Montpelhièr.
Signatz la peticion sus change.org
Creada en decembre passat, l’associacion Auron a ja trobat lo ensenhaires e dètz enfants son inscriches per la rintrada de setembre de 2016, cinc per 2017 e cinc per 2018. Solament cal trobar los locals.
Agenés comptariá aital sa segonda escòla Calandreta après la dobertura de la Calandreta d’Agen fa dos ans.
Las escòlas Calandretas, escampilhadas per tota Occitània, son d’escòlas laïcas e associativas qu’an un contracte amb l’estat, qu’emplegan la lenga occitana coma lenga veïculara sul programa educatiu fixat pel Ministèri de l’Educacion de França. La relacion entre los professors e las familhas es fòrça estrecha e los parents se pòdon engatjar dins lo projècte fins ont vòlgan. E mai, cada Calandreta a una estrecha relacion amb son entorn immediat, e aital la coneissença de la realitat pròcha e l’engatjament dels escolans amb l’entorn son plan nauts.
A l’ora d’ara, Occitània compta mai d’un cinquantenat d’escòlas primàrias Calandretas e mai tres collègis Calandretas, a Pau, a Tolosa e a Montpelhièr.
Signatz la peticion sus change.org
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2 Alavetz?
Cercatz l'error...
(Qu'an pres ua fòto de Pau entad illustrar un article sus Vilanuèva d'Òlt).
I a tres collègis Calandreta avètz oblidat lo de Tolosa.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari