Actualitats
Un parelh de retirats se suicidan après èsser expulsats de lor ostal
La banca vendèt a l’enquant l’abitatge per recobrar un deute de 71 000 èuros
Un parelh de retirats, de 69 e 73 ans, se son suicidats aqueste 30 de decembre passat, après èsser expulsats de lor ostal a Uishac e Parentís (Lanas Petitas). Lor abitatge veniá d’èsser vendut a l’enquant, segon çò que raportava dimars passat France Bleu.
Avián de dificultats economicas a causa d’un deute de 71 000 èuros, e la banca, per lo recobrar, vendèt a l’enquant lor abitatge.
La femna aviá tres filhas d’un marit precedent, l’òme aviá un filh, mas los enfants èran pas al fil de las dificultats economicas dels parents. Ara, los enfants demandan una autopsia, quitament se la mòrt per suicidi la confirman las analisis toxicologicas. Eles vòlon comprene perqué lors parents son mòrts sens aver pas jamai parlat de lors dificultats.
Lo filh dels novèls proprietaris descobriguèt los cadavres quand veniá de depausar los primièrs afars de sos parents. Lo parelh desesperat avián pres una dòsi mortala de medicaments abans de se talhar las venas.
Avián de dificultats economicas a causa d’un deute de 71 000 èuros, e la banca, per lo recobrar, vendèt a l’enquant lor abitatge.
La femna aviá tres filhas d’un marit precedent, l’òme aviá un filh, mas los enfants èran pas al fil de las dificultats economicas dels parents. Ara, los enfants demandan una autopsia, quitament se la mòrt per suicidi la confirman las analisis toxicologicas. Eles vòlon comprene perqué lors parents son mòrts sens aver pas jamai parlat de lors dificultats.
Lo filh dels novèls proprietaris descobriguèt los cadavres quand veniá de depausar los primièrs afars de sos parents. Lo parelh desesperat avián pres una dòsi mortala de medicaments abans de se talhar las venas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
L'occitanisme dins tota son esplendor. Parlan de la mort de dos vielhòts e te fan un escambi sens fin per saber cossi cal dire "couple".
#11 Sant Mistral, pregatz per nosautres paures pecaires. Mai sovent, parelh e coble an lo meteis sens, es tot.
#10 Se regardam ben Mistral, me sembla clar que "coble" es mens adaptat que non pas "pareu" per parlar de personas. Lo promier sens de "coble" concernís... lei bèstias (http://www.lexilogos.com/provencal/felibrige.php?q=couble) !
Me sembla qu'es lo títol de l'article que truca ; sens contèxte lo polisemisme de "parelh" a sonque una valor quantitativa. S'escriviam "es un ostal pro bèl per un parelh amb quatre dròlles" i auriá pas cap d'ambiguïtat. La question de la question es de saber se "coble" es un francisme o se no'n podèm servir a bèl èime.
#7 Dins Jornalet respectam lo sens atestat dels mots. 'Parelh' es de bon occitan, perfièchament atestat, per parlar de doas personas amb un ligam sentimental.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari