Bernadeta Fournié, presidenta d’Òc Bi Aquitània, associacion dels parents d’escolans bilingües de l’ensenhament public, nos a quitat ièr dins la matinada après aver luchat pendent tres meses contra un càncer.
Ja malauta, es ela que prenguèt la paraula a la manifestacion de Tolosa, al nom d’Òc Bi, sus l’empont.
Martine Ralu, d’Òc Bi, nos a aprés la trista nòva del temps que nos remembrava lo brave trabalh menat a tèrme per Fournié dins l’ensenhament de l’occitan.
Dins l’Acadèmia de Bordèu, l’associacion Òc Bi qu’ela presidissiá foguèt extrèmament desvolopada e li balhèt una professionalizacion que permetèt la dobertura de nombroses sits bilingües.
La còla de Jornalet vòl far arribar las siás condolenças als sieus enfants Valentina e Sacha, que talament joves deuràn afrontar l’abséncia de la maire, e tanben al sieu marit Jean-Marie, a la siá sòrre Françoise qu’es totjorn estada amb ela, a tot lo colleciu Òc Bi e a totes qu’aimam l’occitan.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
La pèrta es tarribla, es una tumada per tot lo monde occitan d'Aquitània. Mantes d'enter nos sabèven pas que patissèva d'aquesta òrra malaudia, çòn que hit la tumada encara mèi fòrta. Era una granda dama de l'occitan, una militanta infatigabla, e una persona que mièt Oc-Bi Aquitània sau camin de la professionalizacion e de l'eficacitat. Trabalhava damb rigor e aunestetat. Condolenças dau sòu dau còr.
12 août 2012
Venem tot bèl just d’aprene la mòrt de Bernadeta Fornièr, aqueste matin, 12 d’agost de 2012.
Ne sem d’ont mai atristesits e còrmacats que la sabiam pas malauta. Es una pèrdia màger per Occitània.
Sòcia del Partit Occitan despuei 15 ans, èra una femna valenta e galòia, una militanta eficaça e plena d’esperit, amb qual fasiá bon trabalhar.
A sos mainatges a son òme a sa familha, à tots los que l’an coneguda e aimada, tenem de dire nòstra mai granda amistat.
Lo Partit Occitan
http://partitoccitan.org/article757.html
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari