Actualitats
Tragèdia dels Dos Alps: lo professor en gàrdia a vista per omicidis involontaris
Dimècres passat moriguèron dos liceans e un torista dins una avalanca. Esquiavan sus una “pista negra” e barrada
An plaçat en gàrdia a vista per omicidis involontaris lo professor qu’acompanhava lo grop d’escolans d’un licèu de Lion, que tot lo grop foguèron suspreses per una avalanca a l’estacion d’esquí dels Dos Alps, a Venòsc (Oesen). I moriguèron dos liceans e un esquiaire ucraïnés que se trobava ailà. Lo procuraire de Grenòble a pres aquela decision perque tot lo grop esquiava sus una “pista negra”, qu’èra barrada.
Segon lo jornal Le Parisien, qu’amassa de testimoniatges dels escolans, lo profesor se seriá trobat submergit fàcia a un grop ingerible. Lo procuraire precisèt dijòus que s’afanariá per determinar “l’estat psiquiatric” de l’ensenhaire e sa “capacitat a enquadrar un grop”.
La tragèdia se passèt dimècres passat de ser, quand la nèu agantèt 19 jovents d’un licèu de la metropòli arpitana. Los mòrts son dos liceans de 14 e 16 ans e tanben un òme ucraïnés de 57 ans qu’anava pas amb lo grop d’estudiants. Météo France aviá emés un avís de risc d’avalancas de 4 sus 5 a mai de 2500 mètres d’altitud, a causa de l’abondosa nèu e del vent. L’accident se passèt a 2800 mètres.
Segon lo jornal Le Parisien, qu’amassa de testimoniatges dels escolans, lo profesor se seriá trobat submergit fàcia a un grop ingerible. Lo procuraire precisèt dijòus que s’afanariá per determinar “l’estat psiquiatric” de l’ensenhaire e sa “capacitat a enquadrar un grop”.
La tragèdia se passèt dimècres passat de ser, quand la nèu agantèt 19 jovents d’un licèu de la metropòli arpitana. Los mòrts son dos liceans de 14 e 16 ans e tanben un òme ucraïnés de 57 ans qu’anava pas amb lo grop d’estudiants. Météo France aviá emés un avís de risc d’avalancas de 4 sus 5 a mai de 2500 mètres d’altitud, a causa de l’abondosa nèu e del vent. L’accident se passèt a 2800 mètres.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 100% d'acordi. Los drolles son de cops que i a ingeribles e los professors an pas pro mejans per los enquadrar e lo mestièr es sosconsiderat e sosremunerat compte-tengut de las dificultats que representa. A volgut innovar lo professor e proposar quicom de de diferent, s'es enganat, malurosadament, e es estat despassat per la situacion probablament. Mas avans que l'educacion nacionala faga son mea culpa e se reforme, las galinas... Cal tot tornar veire en matèria d'educacion e d'ensenhament.
Segon lo jornal Le Parisien, qu’amassa de testimoniatges dels escolans, lo profesor se seriá trobat submergit fàcia a un grop ingerible. Lo procuraire precisèt dijòus que s’afanariá per determinar “l’estat psiquiatric” de l’ensenhaire e sa “capacitat a enquadrar un grop”. E ieu, examinariái de seguida lo procuraire per determinar son estat psiquiatric e sa capacitat a jutjar de çò que vòl dire ensennhar a de dròlles que non respècta mai cap adulte que siá? Lo professor foguèsse demorat tranquille dins son establiment, a far al balon dins un gimnasi, i auriá pas agut cap victima. Mas es atal : a volgut plan far, far plan mai que non pas çò per que èra (de mai en mai) mal pagat, e aquí la resulta : va passar per un fadòrle e per un criminal. Marcham sul cap…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari