Actualitats
Suècia renóncia de reconéisser lo Sahara Occidental per poder installar un sit Ikea en Marròc
Lo govèrn suedés confirmarà aquesta setmana sa decision al president del Parlament marroquin que vesita lo país escandinau
Suècia a retirat aquesta dimenjada son sosten a la reconeissença de la Republica Aràbia Saharauí Democratica (RASD, Sahara Occidental), après que l’ambaissador suedés en Tunisia e Libia, Fredrik Florén, mandèsse al ministèri dels afars exteriors de son país una revision de la politica envèrs aquel territòri. O rapòrta Público e o mençona Europa Press. “Aquel document met en exèrg que los critèris exigits en drech internacional per reconéisser la Republica Aràbia Saharauí Democratica —lo Sahara Occidental— se complisson pas”, çò a confirmat un comunicat de la ministra dels afars exteriors suedesa, Margot Wallström.
Lo ministèri sudés allèga purament de rasons juridicas per renonciar a la reconeissença de la RASD. Ça que la, lo jornal marroquin Le 360 afirma que se tracta d’una responsa economica, après que las autoritats marroquinas bloquèsson la dobertura d’un sit IKEA près de Casablanca.
Segon la television de Suècia SVT “lo Govèrn actual es intrat dins un conflicte diplomatic amb l’Arabia Saudita e Israèl. Se pòt pas permetre un tresen conflicte amb un país important”. En mai d’aquò, SVT rapòrta que lo president del Parlament marroquin, Rashid Talbi Alami, vesitarà lo país escandinau aquesta setmana. “Pendent lo sieu viatge, l’informaràn oficialament de la decision de Suècia de renonciar al sieu projècte”.
Ikea blocada
Lo govèrn de Marròc aviá empedit l’inauguracion d’un grand magazin Ikea a Casablanca, qu’èra prevista a la fin d’octòbre. L’intencion del govèrn suedés de reconéisser la Republica Aràbia Saharauí Democratica (RASD, Sahara Occidental) plaguèt pas al regim alauita, que boicotèt l’inauguracion del primièr magazin en Magrèb de la societat suedesa de mòbles lo quite jorn qu’èra prevista.
Segon un comunicat del govèrn civil de Casablanca, “lo projècte d’Ikea a pas de certificat de conformitat e, per tant, l’inauguracion prevista pel 29 de setembre es estada anullada”. Per contra, Ikea Marròc assegurava alavetz qu’aviá decidit d’anullar l’inauguracion per poder acabar qualques trabalhs d’installacion.
Ikea aviá presentat als mèdias son sit de 27 000 mètres cairats, que seriá lo primièr de Magrèb. Mas en aquel moment lo primièr ministre Abd Al Ilah Binkiran convoquèt los principals partits parlamentaris per lor comunicar que Suècia aviá l’intencion de reconéisser la Republica Aràbia Saharauí Democratica, aquel estat proclamat pel Front Polisario.
Lo ministèri sudés allèga purament de rasons juridicas per renonciar a la reconeissença de la RASD. Ça que la, lo jornal marroquin Le 360 afirma que se tracta d’una responsa economica, après que las autoritats marroquinas bloquèsson la dobertura d’un sit IKEA près de Casablanca.
Segon la television de Suècia SVT “lo Govèrn actual es intrat dins un conflicte diplomatic amb l’Arabia Saudita e Israèl. Se pòt pas permetre un tresen conflicte amb un país important”. En mai d’aquò, SVT rapòrta que lo president del Parlament marroquin, Rashid Talbi Alami, vesitarà lo país escandinau aquesta setmana. “Pendent lo sieu viatge, l’informaràn oficialament de la decision de Suècia de renonciar al sieu projècte”.
Ikea blocada
Lo govèrn de Marròc aviá empedit l’inauguracion d’un grand magazin Ikea a Casablanca, qu’èra prevista a la fin d’octòbre. L’intencion del govèrn suedés de reconéisser la Republica Aràbia Saharauí Democratica (RASD, Sahara Occidental) plaguèt pas al regim alauita, que boicotèt l’inauguracion del primièr magazin en Magrèb de la societat suedesa de mòbles lo quite jorn qu’èra prevista.
Segon un comunicat del govèrn civil de Casablanca, “lo projècte d’Ikea a pas de certificat de conformitat e, per tant, l’inauguracion prevista pel 29 de setembre es estada anullada”. Per contra, Ikea Marròc assegurava alavetz qu’aviá decidit d’anullar l’inauguracion per poder acabar qualques trabalhs d’installacion.
Ikea aviá presentat als mèdias son sit de 27 000 mètres cairats, que seriá lo primièr de Magrèb. Mas en aquel moment lo primièr ministre Abd Al Ilah Binkiran convoquèt los principals partits parlamentaris per lor comunicar que Suècia aviá l’intencion de reconéisser la Republica Aràbia Saharauí Democratica, aquel estat proclamat pel Front Polisario.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
los governs de dreita solament volen l'argent. S'enfoten ben de los dreches de los pobles, de la libertat, de la democràcia,.... de la veritat. Son atal.
La "Soumission" de Suècia es gaireben completa.
Suècia a cambiat de nom. Ara se ditz Ikealàndia.
Suècia mòstra una cara enganaira de pais civilizat. I pas que de legir Mankel e de se remembrar de la politica eugenista de las annadas 50.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari