Actualitats
Un grop de trabalh se reünís per polir un esbòs de constitucion catalana
Quand l’auràn acabat, lo liuraràn al Parlament de Catalonha per que pòsca servir de ponch de partença
L’abitarèla del monastèri de Poblet (Catalonha) a aculhit fins a dimenge un grop de trabalh de dètz e uèch personas que preparan un projècte de constitucion catalana. Lor objectiu es de lo liurar al Parlament de Catalonha a la fin del mes d’abril e que servisca de ponch de partença a la comission legislativa, l’organ que s’encargarà d’elaborar la constitucion amb de membres de la societat civila. Lo grop non solament es format per d’avocats e de gents liadas al mond judiciari, mas tanben i participan de jornalistas, d’engenhaires, d’economistas e d’entrepreneires entretant. Eles son Agusti Carles, Jordi Domingo, Josep Faiges, Beth Ferran, Toni Fitó, Joan Fonollosa, Francesc X. Jaurena, Montserrat Llobet, Sergi Miquel, Eduard Peris, Pep Puig, Sebastià Sardiné, Carles Solà, Santi Vilanova e Eduard Vinyamata. De son caire l’èx-jutge Santi Vidal, que tanben fa partida del grop de trabalh, a pas pogut participar al rescontre a causa de son implicacion politica dempuèi qu’es elegit senator a las eleccions espanhòlas del 20 de decembre passat.
Aquel grop de trabalh se basa sus tres esbòsses prèvis per elaborar lo tèxt definitiu que serà liurat al Parlament. D’un caire i a lo projècte Una Nòva Constiticion (unanovaconstitucio.cat), menat per Santi Vidal, de l’autre i a los projèctes Constitucio.cat e Engenhaires per l’Independéncia (Enginyers per la independència), coordenats per Joan Fonollosa. Los tres esbòsses foguèron presentats al començament de l’an 2015. A partir d’alavetz, las tres còlas decidiguèron de se coordenar per trabalhar subre un tèxt unic.
Dempuèi divendres son estats a ordenar tota l’òbra facha fins ara, que dedins an tengut en compte los mai de tres mila comentaris que las gents an faches subre las tres constitucions prèvias; i an identificat los ponches mai conflictius e an fixat la data per liurar lo tèxt al Parlament. De fonts del jornal catalan Vilaweb asseguran qu’assajaràn d’aver lo tèxt de prèst per Sant Jòrdi, la fèsta nacionala catalana, lo 23 d’abril que ven.
Aquel grop de trabalh se basa sus tres esbòsses prèvis per elaborar lo tèxt definitiu que serà liurat al Parlament. D’un caire i a lo projècte Una Nòva Constiticion (unanovaconstitucio.cat), menat per Santi Vidal, de l’autre i a los projèctes Constitucio.cat e Engenhaires per l’Independéncia (Enginyers per la independència), coordenats per Joan Fonollosa. Los tres esbòsses foguèron presentats al començament de l’an 2015. A partir d’alavetz, las tres còlas decidiguèron de se coordenar per trabalhar subre un tèxt unic.
Dempuèi divendres son estats a ordenar tota l’òbra facha fins ara, que dedins an tengut en compte los mai de tres mila comentaris que las gents an faches subre las tres constitucions prèvias; i an identificat los ponches mai conflictius e an fixat la data per liurar lo tèxt al Parlament. De fonts del jornal catalan Vilaweb asseguran qu’assajaràn d’aver lo tèxt de prèst per Sant Jòrdi, la fèsta nacionala catalana, lo 23 d’abril que ven.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Segur que ho faran bé, però ho hauran de portar fins el final, si ho fan ho hauran de defensar contra tot el que els caurà a sobre, i no podran fer marxa enrrera.
Hi hauran de tenir en conte coses que sempre hem defensat i defenssarem.
Som-hi doncs!
"El Tàrrega2.
Una novèla constitucion ! Un trabalh estrambordant de tant que pausa las bòlas del camin ont los successors auràn de caminar. Basta que se Catalunya ven independenta, la constitucion se faga amb una assemblada constituanta larga (paritat mascle/femna, monde de totas originas socialas e regionalas…), que lo tiratge al sòrt n'es benlèu la sola garentida. Mas la prepausicion d'aqueste grope ne serà benlèu una bona basa. Bon camin !
Un exemple de seguir : unitat, soscadissa, eficacitat !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari