Actualitats
Rugbi de XIII: rugbi-blanqueta a Limós
Lo dimenge del XIII foguèt vodat a l’ofensiva, amb una cordelada d’ensages
Alan Roch
Lo quart d’ora limosenc
Se, dissabte de ser, Albi ganhèt aisidament contra Tolosa 51-12 e, dimenge de vèspre, Carcassona prenguèt la mesura dels Laupards de Vilanuèva, 54-14, las doas autras partidas foguèron mai indecisas.
A Palau, los locals jogavan la darrièra carta per considerar la qualificacion dins lo segond grop per la fasa seguenta amb la recepcion d’Avinhon. A la pausa, los provençals menavan 14-12, aumentavan l’avantatge tre la represa mas en un quart d’ora, Palau marcava quatre ensages e preniá los davants. Un darrièr ensag avinhonenc clavava la partida sus una egalitat: 32-32.
Meteis scenari esglasiant a Limós amb la recepcion dels Dragonets. Una partida importanta que las doas formacions son a la luta amb Lesinhan per doas plaças dins la pola bèla. Las doas esquipas se neutralizavan dins lo primièr temps (14-14 a la pausa). A dètz minutas de la fin, los catalans tenián un avantatge bèl de 16 punts (36-20). Mas aquí los locals faguèron volar la palma coma de punhats de confètis sus la Plaça de la Republica. E lo jorn de la sortida de la banda del Parador, l’ataca locala marquèt pas de pausa e se multipliquèt per signar tres ensages abans la còrna, lo tresen just abans aquesta e lo Salvaire Suprèm, lo capitani Miquèl Murcià, enquilhèt la transformacion de l’egalitat: 36 pertot! Las tres darrièras jornadas d’aquesta primièra fasa nos prometon de partidas de primièra!
Plaça a la Copa
Aquesta dimenjada, plaça als oitens de la Copa Lord Derby. 3 partidas entre grops d’Elèit 1 (en cap d’aficha: Limós-Avinhon; e tanben: Dragonets-Tolosa e Albi-Palau). 3 partidas Elèit 2-Elèit 1 (Baó-Carcassona; Lion-Vilanuèva; l’Escura-Lesinhan). Un rescontre entre formacions d’Elèit 2: Carpentràs-Vilafranca. E una oposicion entre los pichons de Nacionala 1: Ferrals de Corbièras-Sant Llorenç de Salanca.
Darrièrs preparatius
Aqueste dissabte, los Dracs catalans jogaràn lor segonda partida de preparacion abans la represa oficiala de la Superliga. Anaràn desfisar los Gigants d’Huddersfield.
Alan Roch
Fòto:
Partida disputada fins a la darrièra segonda a Limós
Se, dissabte de ser, Albi ganhèt aisidament contra Tolosa 51-12 e, dimenge de vèspre, Carcassona prenguèt la mesura dels Laupards de Vilanuèva, 54-14, las doas autras partidas foguèron mai indecisas.
A Palau, los locals jogavan la darrièra carta per considerar la qualificacion dins lo segond grop per la fasa seguenta amb la recepcion d’Avinhon. A la pausa, los provençals menavan 14-12, aumentavan l’avantatge tre la represa mas en un quart d’ora, Palau marcava quatre ensages e preniá los davants. Un darrièr ensag avinhonenc clavava la partida sus una egalitat: 32-32.
Meteis scenari esglasiant a Limós amb la recepcion dels Dragonets. Una partida importanta que las doas formacions son a la luta amb Lesinhan per doas plaças dins la pola bèla. Las doas esquipas se neutralizavan dins lo primièr temps (14-14 a la pausa). A dètz minutas de la fin, los catalans tenián un avantatge bèl de 16 punts (36-20). Mas aquí los locals faguèron volar la palma coma de punhats de confètis sus la Plaça de la Republica. E lo jorn de la sortida de la banda del Parador, l’ataca locala marquèt pas de pausa e se multipliquèt per signar tres ensages abans la còrna, lo tresen just abans aquesta e lo Salvaire Suprèm, lo capitani Miquèl Murcià, enquilhèt la transformacion de l’egalitat: 36 pertot! Las tres darrièras jornadas d’aquesta primièra fasa nos prometon de partidas de primièra!
Plaça a la Copa
Aquesta dimenjada, plaça als oitens de la Copa Lord Derby. 3 partidas entre grops d’Elèit 1 (en cap d’aficha: Limós-Avinhon; e tanben: Dragonets-Tolosa e Albi-Palau). 3 partidas Elèit 2-Elèit 1 (Baó-Carcassona; Lion-Vilanuèva; l’Escura-Lesinhan). Un rescontre entre formacions d’Elèit 2: Carpentràs-Vilafranca. E una oposicion entre los pichons de Nacionala 1: Ferrals de Corbièras-Sant Llorenç de Salanca.
Darrièrs preparatius
Aqueste dissabte, los Dracs catalans jogaràn lor segonda partida de preparacion abans la represa oficiala de la Superliga. Anaràn desfisar los Gigants d’Huddersfield.
Alan Roch
Fòto:
Partida disputada fins a la darrièra segonda a Limós
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari