Actualitats
Cinc militars de Sant Cristòu mòrts dins una avalanca en Savòia
Participavan a un estagi al Centre d’Aguerriment en Montanha de Modâna
Una avalanca provoquèt ièr en Savòia la mòrt de cinc legionaris del 2d Regiment Estrangièr d’Engèni de Sant Cristòu (País de Saut de Provença). Los soldats fasián un entraïnament a l’estacion d’esquí de Valfréjus dins un sector fòra pista. D’autres uèch foguèron ferits e menats a l’espital, çò rapòrta Le Dauphiné. Lo ministèri public d’Arbèrtvela a dobèrt una enquèsta per determinar las circonstàncias de l’accident.
Participavan a un estagi al Centre d’Aguerriment en Montanha de Modâna (Savòia) e fasián partida d’un grop d’un cinquantenat de militars del regiment provençal. Restacats a la brigada alpenca, an totes eles de brevets d’alpinistas e d’esquiaires e son ben abituats a las intervencions complicadas en montanha.
Ongan l’ivèrn se presenta tragic tocant las avalancas e se prevei perilhós. S’aqueste còp son de soldats occitans que son mòrts en Arpitània, la setmana passada foguèron dos liceans arpitans e un torista ucraïnés que trobèron la mòrt als Alps occitans, tanben a causa d’una avalanca.
Lo ministre de la defensa francés, Jean-Yves Le Drian, en anant sus plaça, declarèt que “l’armada de tèrra es en dòl” e s’associèt “a al dolor e l’inquietud de las familhas e dels pròches dels nòstres fraires d’armas”. Tanben lo president francés François Hollande manifestèt son “emocion” del temps que lo primièr ministre Manuel Valls reagiguèt sus son compte de Twitter.
Participavan a un estagi al Centre d’Aguerriment en Montanha de Modâna (Savòia) e fasián partida d’un grop d’un cinquantenat de militars del regiment provençal. Restacats a la brigada alpenca, an totes eles de brevets d’alpinistas e d’esquiaires e son ben abituats a las intervencions complicadas en montanha.
Ongan l’ivèrn se presenta tragic tocant las avalancas e se prevei perilhós. S’aqueste còp son de soldats occitans que son mòrts en Arpitània, la setmana passada foguèron dos liceans arpitans e un torista ucraïnés que trobèron la mòrt als Alps occitans, tanben a causa d’una avalanca.
Lo ministre de la defensa francés, Jean-Yves Le Drian, en anant sus plaça, declarèt que “l’armada de tèrra es en dòl” e s’associèt “a al dolor e l’inquietud de las familhas e dels pròches dels nòstres fraires d’armas”. Tanben lo president francés François Hollande manifestèt son “emocion” del temps que lo primièr ministre Manuel Valls reagiguèt sus son compte de Twitter.
Notre pays est endeuillé après la disparition de 5 de nos légionnaires dans les Alpes. Pensées aux blessés, aux familles, aux frères d'armes
— Manuel Valls (@manuelvalls) 18 gener, 2016Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 George Orwell disiá que se la literatura desrengava mas las gents servissiá de res. N’es aital dels comentaris polemics: son sanitoses per gardar la mens sana. (De segur, parlam pas de provocacion gratuita, de los que cèrcan l'escandal per existir.)
Anèm, me'm pagui una !
Es curiós cossí França, son administracion, sas fòrças armadas, sa legislacion, etc. pòdon èsser regularament qualificadas « d'ocupacion », de « colonizacion », veire « genocidari » al nivèl cultural, mentre que soldats de l'armada francesa, cantonat en Occitània son qualificats de « soldats occitans ».
Es benlèu un plaser de veire totjorn los occitans coma victima ?
Vaquí, simpla remarca polemica. Inutil de respondre, val pas lo pet.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari